Щипачкин Александр Иванович
| Щипачкин Александр Иванович | |
| Чужан лун: |
1924-ӧд вося ода-кора тӧлысь 27-ӧд лун |
|---|---|
| Чужанін: | |
| Кулан кад: |
1995-ӧд вося ӧшым тӧлысь 5-ӧд лун (71 ар) |
| Куланін: | |
| Канму: | |
| Ошканпасъяс да премияяс: |
    |
Щипачкин Александр Иванович (1924—1995) — Комиысь Слава ордена тыр кавалер (1944, 1944, 1946).
Олан туй[веськӧдны | Вежны кодировкаын]
Александр Павлов чужӧма Улыс Вылькар обласьтысь Арзамас районса Медынцево грездын 1924-ӧд вося ода-кора тӧлысь 27-ӧд лунӧ крестьянин семьяын. Роч. Уджалӧма Горький карса мыссян-пывсян комбинатын электрослесарӧн.
Айму вӧсна Ыджыд тыш кадӧ[веськӧдны | Вежны кодировкаын]
1942-ӧд вося моз тӧлысьӧ Горький карысь Автозавод райвоенкомат босьтӧма Гӧрд Армияӧ. Айму вӧсна Ыджыд тыш вылын 1943-ӧд вося ода-кора тӧлысьсянь. Тышкасьӧма Степса да Мӧд Украинаса фронтъясын. Служитӧма медводз 69-ӧй армиясаын 121-ӧд торъя противотанкӧвӧй батальонын. Сёрӧнджык индӧмаӧсь разведчикӧн 95-ӧд торъя гвардейскӧй разведротаӧ. Тайӧ часьтыскӧд воӧма Верман лунӧдз.
95-ӧд торъя гвардейскӧй разведротаса стрелок-разведчик, гвардияса младшӧй сержант Александр Щипачкин 1944-ӧд вося лӧддза-номъя тӧлысь 11-ӧд лунӧ Буцулуку дорын босьтӧма да вайӧдӧма «вӧрӧгӧс», коді висьталӧма уна выль да колана юӧр. 93-ӧд гвардейскӧй стрелковӧй дивизияса командирлӧн 1944-ӧд вося сора тӧлысь 19-ӧд лунся приказӧн заданиесӧ бура вӧчӧмысь сылы сетӧма III тшупӧда Слава орден.
1944-ӧд вося моз тӧлысь 29-ӧд лунӧ Войнешти да Мироши гӧгӧрын разведчикъяс котыркӧд ӧтвылысь бырӧдӧма пулемёт расчот, пленӧ босьтӧмаӧсь нёльӧс. 27-ӧд армияса войскаяс серти 1944-ӧд вося йирым тӧлысь 13-ӧд лунся приказӧн задание бура вӧчӧмысь гвардияса младшӧй сержантлы сетӧма III тшупӧда Слава орден.
1945-ӧд вося рака тӧлысь 5-ӧд лунӧ Кална гӧгӧрын сержант А. И. Щипачкин разведчикъяс котыркӧд ӧтвылысь босьтӧма да вайӧдӧма «вӧрӧгӧс», коді висьталӧма уна выль да колана юӧр. СССР-са Вылыс Сӧветса Президиумлӧн 1946-ӧд вося ода-кора тӧлысь 15-ӧд лунся Шуӧмӧн командованиелысь заданиеяссӧ бура вӧчӧмысь гвардияса сержант А. И. Щипачкин сетӧма III тшупӧда Слава орден. Лоӧма Слава ордена тыр кавалерӧн.
1948-ӧд воын старшина званиеӧн А. И. Щипачкин мунӧма Сӧветскӧй Армияысь.
Айму вӧсна Ыджыд тыш бӧрын[веськӧдны | Вежны кодировкаын]
Медводдза кадӧ олӧма да уджалӧма Сахалинын, сэсся бергӧдчӧма гортас. Помалӧма Горький карын Туй техникум. 1975-ӧд воын сійӧс ыстӧмаӧсь уджавны Коми АССР-ӧ, Печорлесстройӧ. Уджалӧма крановщикӧн Кожва вӧр промхозса улыс складын, 1964-ӧд восянь олӧма Кӧджорӧм посёлокын. 1975-ӧд воын вуджӧма Печора карӧ. Уджалӧма крановщикӧн. Некымынысь сійӧс бӧрйылісны Печора карса сӧветӧ депутатӧн.
Кулӧма 1995-ӧд вося ӧшым тӧлысь 5-ӧд лунӧ.
Наградаяс[веськӧдны | Вежны кодировкаын]
- III тшупӧда Слава орден (№ 87881) (1944.07.19).
- II тшупӧда Слава орден (№ 13382) 1944.10.13).
- I тшупӧда Слава орден (№ 953) (1946.05.15).
- Гӧрд Кодзувлӧн орден
- II тшупӧда Айму тыш орден
- I тшупӧда Айму тыш орден
Паметь[веськӧдны | Вежны кодировкаын]
А. И. Щипачкин нимӧн Печора карын шуӧма улича да ӧшӧдӧма казьтылана пӧв, кӧні сійӧ овлӧма.