Шарапов Валерий Энгельсович

Шарапов Валерий Энгельсович (1964) — коми войтырлысь оласног туялысь, история наукаяса кандидат.

Олан туй

Валерий Шарапов чужӧма 1964-ӧд вося моз тӧлысь 18-ӧд лунӧ Перым обласьтса Кунгур карын. 1982—1989-ӧд воясӧ велӧдчӧма Сыктывкарса канму университетлӧн история факультетын. 1989-ӧд восянь уджалӧ Коми наука шӧринса Кыв, литература да история институтын: этнография да фольклор отелын, сэсся этнография секторын. 19960-ӧд воын помалӧма «Этнография, этнология, антропология» спецаильсноьт серти аспирантура.

Туялан удж

Туясын уджлӧн нырвизьяс — коми да обдорса йӧгралӧн олӧм вылӧ важся видзӧдлас, семьяпытшса обрядносьт, йӧзкостса художествоа традицияс, этносемиотика, финн-йӧгра войтырлӧн идентичносьт.

1989-ӧд восянь ветлӧдлӧма фольклорно-этнографическӧй экспедицияясӧ Коми муӧ, Перым крайӧ, Карелияӧ, Кардор, Ленинград да Тюмень обласьтъясӧ.

Йӧзӧдӧма 200 сайӧ туясян удж. Мукӧд туялыськӧд ӧтвыв дасьтӧма некымын туясян да популярнӧй монография, велӧдан небӧг, энциклопедия да историко-культурнӧй атлас.

2000-ӧд восянь пырӧ Коми Республикаса Веськӧдлан котырлӧн йӧзкотса художествоа промыселъяс серти художественно-экспертнӧй сӧветӧ, 2011-ӧдсянь — абу материальнӧй культурнӧй наследие серти комиссияӧ.

Ошканпасъяс

• Наука юкӧнын Коми Республикаса канму премия босьтысь — «Мифология коми» энциклопедияысь (мукӧд авторъяскӧд ӧтвылысь) (2000).

Ӧшмӧсъяс

• В.Э. Шараповлӧн туясян удж йылысь Кыв, литература да история институт сайтын (рочӧн)