Чупров Александр Ефимович
| Чупров Александр Ефимович | |
| Чужан лун: |
1925-ӧд вося кӧч тӧлысь 30-ӧд лун |
|---|---|
| Чужанін: | |
| Кулан кад: |
1944-ӧд вося кӧч тӧлысь 30-ӧд лун (19 арӧс) |
| Куланін: | |
| Канму: | |
| Ошканпасъяс да премияяс: |
  |
.svg){kind=small}
Чупров Александр Ефимович (1925—1944) — Комиысь Сӧветскӧй Союзса Герой (1944).
Олан туй[вежны | Вежны кодировкаын]
Александр Чупров чужӧма Изьва районса Кипъёва сиктын 1925-ӧд вося кӧч тӧлысь 30-ӧд лунӧ. Помалӧма 4 класс, колхозын уджалӧма кӧр видзысьӧн.
Айму вӧсна Ыджыд тыш кадӧ[вежны | Вежны кодировкаын]
Гӧрд армияын 1943-ӧд восянь. Айму вӧсна Ыджыд тышын 1944-ӧд вося тӧвшӧр тӧлысьсянь. Радӧвӧй, стрелок. Тышкасьӧма 1-дза да 2-ӧд Украинаса фронтъясын.
Повтӧмлун петкӧдлӧма Днестр ю вуджигӧн Сороки кар дорын (Молдавия): бырӧдӧма дзот да станкӧвӧй пулемёт, противотанкӧвӧй пушка. Пленӧ босьтӧма кык унтер-офицерӧс да 7 салдатӧс. Бура петкӧдчӧмысь 1944-ӧд вося кӧч тӧлысь 13-ӧд лунӧ СССР-са Вылыс Сӧветлӧн Президиум шуӧмӧн сылы сетӧма Сӧветскӧй Союзса Герой ним.
Сьӧкыда ранитчӧмысь кулӧма госпитальын 1944-ӧд воын аслас чужан лунӧ — кӧч тӧлысь 30-ӧд лунӧ. Гуалӧма Румынияын Турну-Северин карсянь неылын.
Наградаяс[вежны | Вежны кодировкаын]
- Сӧветскӧй Союзса Герой почёт ним (1944.09.13)
- Ленин орден (1944.09.13)
Паметь[вежны | Вежны кодировкаын]
Сылӧн нимӧн шуӧма уличаяс Кипъёваын, Изьва сиктын да Сыктывкарса Эжва районын, Кипъёваса школа. Чужан сиктас А.Чупровлы пуктӧма обелиск (1975-ӧд воын), барельеф (2005-ӧд воын) да бюст (2016-ӧд воын), Сыктывкарын Куслытӧм би дорын — барельеф.