Чолӧм, дзолюк! (телеуджтас)
Чолӧм, дзолюк! — коми кыв вылын ичӧт арлыда челядьлы телеуджтас.
История[вежны | Вежны кодировкаын]
«Чолӧм, дзолюк!» проект артмис школаӧдзса национальнӧй мытшӧдъяс велӧдан лабораторияӧн веськӧдлысь Зоя Остаповалӧн водзмӧстчӧмӧн. Уджтаслӧн медшӧр геройяс: Кикуруллю петук, Ваткыль пон да Юмпель. Геройяслӧн аканьясӧн ворсӧны: В.А. Савин нима Драмаа театрысь артистка, Коми Республикаса нимӧдана уджалысь Анна Сафронова, «Юрган» телеканалысь режиссёр Вера Пивкина да лабораторияын жӧ уджалысь Вера Муравьёва. Телеуджтаслӧн режиссёр — Марина Кузьчуткомова.
«Чолӧм, дзолюк!» уджтаслӧн эм «Дзолюк кып» сьыланкыв. Кывъяссӧ гижис коми гижысь Евгений Козлов, шыладсӧ дасьтіс Алексей Ген.
Сюжет серти, челядьлы кажитчысь геройяс ветлӧдлӧны гӧститны челядь садъясӧ да висьталӧны та йылысь мукӧдыслы. Тшӧкыда телеуджтас дасьтысьяс ветлӧдлӧны районъясӧ, чукӧртӧны ӧти челядь видзанінын некымын садйысь коми челядьсӧ.
«Чолӧм, дзолюк!» телеуджтас дасьтӧ «Юрган» канал да пуктӧ аслас сайтӧ. Та кындзи, «Коми гор» телерадиокотыр дасьтӧ «Дзолюк» радиоуджтас, кӧні петкӧдчӧны тайӧ жӧ геройясыс.
Ӧшмӧсъяс[вежны | Вежны кодировкаын]
- [1]Пунегова Н. «Чолӧм, дзолюк!» — Кебраын // «Йӧлӧга» газет, 2013 во. Лӧддза-номъя тӧлысь 28-ӧд лун.
- Гончарова В. Корткеросские малыши увидят себя на экранах телевизоров вместе с героями передачи «Дзолюк» // «Комиинформ» юӧр сетан агентство (28.05.2008) (рочӧн)