Час (Сыктывдін район)

Час Часово
Му:	Рочму
Статус:	сикт
республика:	Коми республика
район:	Сыктывдін район
Инлыдпасъяс:	62°00′42″ в. п. 50°39′19″ а. к.62.011667° в. п. 50.655278° а. к. 62.011667, 50.655278
Официал кыв	коми, роч
Олысьяс	475 морт (2007)
Час кытш:	UTC+3+3
Телефон код:	+7 8 2130
Пошта индӧс:	168217
Автомобиль код:	11, 111

Час (рочӧн Часово) – Коми Республикаса сикт, Сыктывдін районысь Час сикт овмӧдчӧминса шӧрсикт.

География

Час пукалӧ Эжва юлӧн веськыд кыркöтш йылын

История

Час йылысь медводдза юöртöм паныдасьö 1586-öд воö Иван Огарев да Фёдор Юрьевлöн йöз да угоддьö гижöдан небöгын. Сійö кад кежлас грездын 4 овмӧсын олöма 9 мужичöй.

1861 — кыпöдöма медводдза сиктса училищö.

1891 — Часын восьтöма приходса школа, кытчö велöдчыны медводз босьтісны сöмын зонкаясöс.

1894,сора 13-öд лун — сиктын ыпъяліс пöжар, биын сотчис став олан керкаыс. Канму отсаліс крестьяналы сьöмӧн. Сиктын выльысь кыпӧдалісны керкаяс аслыссяма план серти. Керкаяс кыпöдісны ю бокö да радöн, кварталъяс вылö юклöмöн.

1893-1914 — Часын стрöитöны вит юрйыла вичко. 1930-öд воясö вичко лои резьöдöма. Резьöдöм кирпичсö баржа вылын нуисны Сыктывкарö би сетан станцияяс кыпöдöм вылö. Мукӧд кирпичсӧ новлісны сиктса олысьяс пач тэчöм да дзоньталöм вылö.

1904 — велöдысь Алексей Амосовлöн веськöдлöм улын восьтöма медводдза сиктса лыддьысянін.

1916 — воссис Часын нывбабаяслы земскöй школа.

1930 — Час сиктын вöліны бурдöдан да отсöг сетан пунктъяс, школа, лыддьысян керка, пароходъяс сувтланін, потребительскöй котыр, крестьяналöн комитет, милиция участок.

1932 — Час сиктын котыртöма Жданов нима колхоз. Медводдза колхозса веськӧдлысьӧн бöрйöма сиктса водзмöстчысь Арихин Андрей Семенович.

Тöдчана йöз

• Ермолин Степан Иванович (1914—1961) — Коми АССР-са и РСФСР-са нимöдана артист
• Пяткова Анна Васильевна — лысьтысьысь, Социалистическӧй Уджвывса Герой
• Мезенцева Анна Дмитриевна — Коми АССР-са народнӧй овмöсын нимöдана уджалысь
• Русанова Галина Владимировна — биология наукаса доктор
• Канева Нина Николаевна — «Коми кыв» учебниклöн автор
• Потолицына Надежда Анатольевна — Коми Республикаын нимöдана уджалысь (2000), Часын фельдшерско-акушерскöй пунктöн веськöдлысь
• Епанешников Андрей Николаевич (1973) — коми артист, Коми Республикаса нимӧдана артист

Öтуввез

• https://web.archive.org/web/20120322004233/http://www.syktyvdin.ru/km/page/310/

Öшмöсъяс

• Атлас Республики Коми. – Москва, 2000.
• Жеребцов И.Л. Где ты живешь: Населенные пункты Республики Коми. Историко-демографический справочник. – Сыктывкар, 2000.
• История Коми с древнейших времен до конца XX века: В 2-х т. / Под общей редакцией А.Ф. Сметанина. – Сыктывкар, 2004.
• Республика Коми: Энциклопедия. – Сыктывкар, 1997-2000. – Т. 1-3.