Федосеев Семён Алексеевич

Федосеев Семён Алексеевич
Чужан лун:	1936-ӧд вося моз тӧлысь 4-ӧд лун(1936-08-04) (88 арӧс)
Чужанін:	Чурак[d], Лёвичын сикт овмӧдчӧмин[d], Кӧс район[d], Перым Коми кытш, Свердловск обласьт, РСФСР[d], Сӧветскӧй Социалистическӧй Республикаяслӧн Союз Перым Коми кытш, Свердловск обласьт, РСФСР[d], Сӧветскӧй Социалистическӧй Республикаяслӧн Союз Свердловск обласьт, РСФСР[d], Сӧветскӧй Социалистическӧй Республикаяслӧн Союз
Канму:	Сӧветскӧй Социалистическӧй Республикаяслӧн Союз  Рочму
Мыйся уджыс:	прозаик, медработник

Федосеев Семён Алексеевич (1936) — перым коми гижысь.

Олан туй

Семён Федосеев чужӧма 1936 вося моз тӧлысь 4-ӧд лунӧ Перым Коми кытшысь Кӧс районса Чурак сиктын. 1944—1951 воясӧ велӧдчӧма чужан сиктса школаас. Школа помалӧм бӧрын во да джын уджалӧма колхозын. 1956 воын помалӧма Кӧс сиктса шӧр школа, уджалыштӧма колхозын, веськӧдлӧма Чурак сиктса клубӧн.

1957 вося ӧшым тӧлысьсянь 1958 вося ӧшым тӧлысьӧдз служитӧма армияын (водзджык лэдзӧмаӧсь дзоньвидзалун вӧснаыс). Армияӧ ветлӧм бӧрын веськӧдлӧма Чурак сиктса школаӧн. 1964 воын помалӧма Кудымкарса медучилишӧын. Дыр кад чӧж уджалӧма чужан сиктас пельшерӧн, веськӧдлӧма Чурак сиктса больничаӧн. 1983 воын вуджӧма овны Кӧс сиктӧ, методисталӧма Кӧс районса больничаын.

Гижан удж

Гижны босьтчӧма школа помалӧм бӧрас. Медводдза висьтыс петӧма Кӧс районса «По социалистическому пути» газетын.

Сылӧн висьтъяс да очеркъясыс тшӧкыда петалӧны перымса коми газетъясын, «Иньва» художествоа литература чукӧрын, челядьлы «Бичирок» петасын. Йӧзӧдӧма прозаа кӧкъямыс небӧг.

1963 воын «Гора му» альманахын йӧзӧдӧма «Праздник панытi» висьт. 1967 воын Кудымкарын йӧзӧдӧма «Вот и мичамис» висьтъяса медводдза небӧгыс, 1978 воын мӧд небӧг — «Счастье ас киын». Сылӧн висьтъясыс, повесьтъясыс да очеркъясыс — сиктса йӧз йылысь, коми сиктлӧн мытшӧдъяс йылысь.

1989 воын йӧзӧдӧма «Повны — не овны» повесьтъяса небӧг, 1991 воын — «Кусӧм биэз» небӧг. 1994 воын Перым-Коми небӧг лэдзанін йӧзӧдӧма Семён Федосеевлысь «Сьӧд цветтэз» романсӧ. Небӧгыс босьтӧма Перым-Коми кытшса М.П. Лихачев нима литературнӧй премия проза юкӧнын.

2014 воын «Оланыс сералö» небӧгысь, мый петӧма Кудымкарын 2010 воын, сылы сетӧма Перым-Коми кытшса литературнӧй премия проза юкӧнын.

1995 восянь пырӧ Россияса гижысь котырӧ.

Небӧгъяс

• Федосеев С. Вот и мичамис: рассказзэз. — Кудымкар: Перм. кн. изд-во; Коми-Пермяц. отд-ние, 1967. — 52 с.
• Федосеев С. Счастье ас киын: повесть. — Кудымкар, 1978. — 104 с.
• Федосеев С. Повны — не овны: повесттез. — Кудымкар, 1989. — 300 с.
• Федосеев С. Кусöм биэз: повесттез. — Кудымкар, 1991. — 302 с.
• Федосеев С. Сьöд цветтэз: роман. — Кудымкар: Коми-Перм. кн. изд-во, 1994. — 328 с.
• Федосеев С. Сьöлöмö туй: повесттез. — Кудымкар: Коми-Перм. кн. изд-во, 2004. — 472 с.
• Федосеев С. Живая память: очерки, повесть. — Кудымкар: Коми-Перм. кн. изд-во, 2010. — 98 с.
• Федосеев С. Оланыс сералö: повесттез да рассказ. — Кудымкар: Коми-Перм. кн. изд-во, 2010. — 184 с.

Наградаяс

• «Уджын петкӧдчӧмысь» медаль
• «Уджвывса доблесьтысь» медаль
• Уджвывса ветеран
• «Здравоохранениеса отличник» пас

Ӧшмӧсъяс

• «Моя любимая библиотека» сайтын С.А. Федосеев йылысь
• Коми Республикаса Национальнӧй небӧгаинын перымса коми гижысьяс йылысь
• Боталов И. Идут в наступление строки // Рука на пульсе: Округ: годы, люди, события. — Кудымкар, 1999. — С. 114—116.
•  [Федосеев Семён Алексеевич: 65 лет со дня рождения] // Даты, события, люди. — Кудымкар, 2001. — С. 149—150.
• Федосеев С. Ас йывсим // Федосеев С. Сьӧлӧмӧ туй: повесттез. — Кудымкар, 2004. — С. 5—11.