Умберто Эко

Материал из Wikipedia

Умбе́рто Э́ко (19322016) — Италияса нималана гижысь, туялысь.

Олан туй[веськӧдны | править код]

Умберто Эко чужис Италияса Алессандриаын (Пьемонт карын, Туринсянь неылын) 1932 вося тӧвшӧр тӧлысь 5-ӧд лунӧ. Батьыс, Джулио Эко, вӧлі бухгалтерӧн, ветліс куим тыш вылӧ. Айму вӧсна Ыджыд тыш кадӧ Джованна мамыскӧд Умберто вуджис овны неыджыд грездӧ, мый вӧлі Пьемонт гӧраясын. Сылӧн пӧльыс вӧлі шыбитӧм кагаӧн (подкидыш). Италияын сэк кадся традиция серти, сылы пуктӧма ов-аббревиатура — Ех Caelis Oblatus, сідзкӧ «енмӧн сетӧм».

Умберто помаліс 1954 воын Туринса университет, туяліс средневековӧй философиа да литература. Велӧдчигас дугдіс эскыны Енлы да муніс Католик вичкоысь.

Умберто Эко уджаліс телевидениеын, журналисталіс «Эспрессо» (итал. L’Espresso) газетын, велӧдіс культуралысь эстетика да теория Милан, Флоренция да Турин университетъясын. Болон университетын профессор. Суйӧрсайса уна университетын почётнӧй доктор.

1962 вося кӧч тӧлысьӧ гӧтрасис искусствояс велӧдысь вылӧ: Рената Рамгакӧд быдтісны пи да ныв.

Куліс Милан карын 2016 вося урасьӧм тӧлысь 19-ӧд лунӧ ракысь.

Гижан удж[веськӧдны | править код]

Авторлӧн петавлісны татшӧм романъяс:

  • «Il nome della rosa» (1980) («Имя розы» / «Роза ним»).
  • «Il pendolo di Foucault» (1988) («Маятник Фуко» / «Фуко маятник»).
  • «L’isola del giorno prima» (1994) («Остров накануне» / «Ді лунӧн водз»).
  • «Baudolino» (2000) («Баудолино»).
  • «La misteriosa fiamma della regina Loana» (2004) («Таинственное пламя царицы Лоаны» / «Лоана сарисалӧн би»).
  • «Il cimitero di Praga» (2010) («Пражское кладбище» / Прагаса шойна).
  • «Нулевой номер» (2015) («Ноль нумер»).

Небӧгъяс[веськӧдны | править код]

Ыстӧдъяс[веськӧдны | править код]