Тымсер (Кулӧмдін район)

Материал из Wikipedia
Перейти к навигации Перейти к поиску
Тымсер
Тимшер
Му:  Рочму
Статус:  посёлок
республика:  Коми республика
район:  Кулӧмдiн район
Медводдза казьтыштӧм:  1931
Инлыдпасъяс:  0°00′ в. п. 0°00′ а. к. / 0° в. п. 0° а. к. (G)
Официал кыв  коми, роч
Олысьяс  1204 морт (2007)
Час кытш:  UTC+3
Телефон код:  +7 8 2137
Пошта индӧс:  168075
Автомобиль код:  11, 111


Тымсер (рочӧн Тимшер) – Коми Республикаса посёлок, Кулöмдiн районысь Тымсер сикт овмӧдчӧминса шӧрсикт.

Ним артмӧм[веськӧдны | править код]

Фольклор[веськӧдны | править код]

География[веськӧдны | править код]

Посёлок пукалӧ Лунвыв Мылва юлӧн шуйга берегын. Кулӧмдiн юрсиктсянь Тымсерöдз 133 км.[1]

История[веськӧдны | править код]

  • Коми наука шӧринса археологъяслӧн туялӧм серти, посёлок инас вӧлӧма важся оланін. кӧні олісны 2-4 сюрс во сайын.
  • 1930 вося списокын абу пасйӧма. Артмис 1931 воын: тані вӧлі 6-8 барак. Инсӧ вӧлі шуӧны «Мыелдинская механизированная база».[2]
  • 1935 воын посёлок кутіс шусьыны «Тимшерӧн». 1937 воын посёлокын да матысса вӧр участокъясын вӧліны лагеръяс, кӧні видзисны 12 сюрс ыстӧм мортӧс. Лагер пунктъяс вӧліны: 3-ӧд участокын (посёлоксянь 7 км сайын), Тымсер ю вомсянь неылын туй бокын, 2-ӧд участокын (Мыс сиктлань туй вылын, посёлоксянь 10 км сайын); 100 да 102-ӧд участокъясын (посёлоксянь асыв-войвылын 15 км сайын). Тымсер посёлок лои лагеръяс шӧрын — веськӧдлан шӧринӧн. Сійӧс вӧлі кытшалӧ керъясысь джуджыд потшӧс да вышкаяс, кодъясӧс вӧлі сувтӧдӧма ӧта-мӧдсьыс неылын видзӧдӧм могысь. Лагер пытшкас вӧліны олысьяслӧн баракъяс, ӧти керкаын сёянін да клуб, вузасянін, нянь пӧжаланін, гараж. Пукалысьяс вӧр чинталісны. 1941 воын лагерсӧ бырӧдісны. Айму вӧсна Ыджыд тыш дырйи Тымсер посёлокӧ овмӧдісны спецпереселенечьясӧс. Найӧс вайисны Рытыв Украинаысь, Карелияысь, Поволжьеысь. Найӧ спецзаказ серти волі пӧрӧдӧны вӧр оружйӧ, самолёт да пыж заводъяслы, армияса лызь вӧчӧм могысь и с.в. Дасьтісны пес кӧрт туйяслы да каръяслы.
  • 1945 вося карта вылын посёлок местаын индӧма баракъяс (нимыс абу). Тимшер пыдди тані гижӧма Раскерӧс грезд. 1940-ӧд воясся инним мусерпасъяс вылын — лесопунктлӧн 1-дза участок.
  • Тымсер кутіс сӧвмыны 1952 восянь, кор вайисны медводдза щитӧвӧй керкаяс, кытчӧ йӧзсӧ овмӧдісны баракъясысь. Медводдза уличаяс: Вадор (Набережнӧй), Карл Маркс да Ленин уличаяс. 1953 воын ю бокӧ сувтӧдісны начальнӧй школа, кӧні велӧдчис 48 морт. Велӧдісны кыкӧн: Кек Адольф Федорович да Флеммер Антонина Иосифовна. Тымсерын та кадӧ вӧліны: медпункт, амбулатория да кага чужтанін; вӧр пӧрӧдчысьяслӧн контора, клуб, пошта; челядь сад, вузасянін; конюшня (600 вӧв вылӧ).
  • 1955 воын кыпӧдісны аэропорт. 1960-ӧд воясын восьтісны нянь пӧжаланін да нянь лавка, кыпӧдісны 8 класса школалы керка, сёянін, сёян-юан вузасянін. Кык судта школа вӧлі лэптӧма 1970-ӧд воясӧ.
  • 1956 воын «Тимшор» — Мыс сикт сӧветӧ пырысь вӧр пӧрӧдысьяслӧн участок. 1950-ӧд вояс помын картаяс вылын гижӧма «Тимшер» вӧр участок; 1960-ӧд вося списокын — «Тимшор» посёлок, 1968-ӧд вося списокын — «Тимшер».
  • 1963 вося ода-кора тӧлысь 23 лунӧ Коми АССР-са Вылыс сӧветлӧн Президиумысь шуӧм серти вӧлі артмӧдӧма Тымсер сикт сӧвет, кытчӧ пырисны Варламовка, Вӧркерӧс, Паспом, Раскерӧс грездъяс, Лопъювад посёлок, а сёрӧнджык — Войвыв Мылва посёлок. Сикт сӧветса медводдза веськӧдлысьнас вӧлі Зыкова Галина Андреевна.
  • 1963 воын чужис Сӧветскӧй улича — посёлокса медшӧр уличаыс, кӧні сулалӧ сикт овмӧдчӧминса администрациялӧн керкаыс. 1966-1967 воясӧ тайӧ улича вылас кыпӧдісны клуб. 1960-ӧд воясӧ жӧ кутісны видзны порсьясӧс, сӧвмӧдны керкагӧгӧрса овмӧсъяс — быдтісны кӧнтусь, шабді, картупель, сёркни, свеклӧ и с.в., видзисны скӧт.
  • 1970 воын Тымсерын оліс 2095 морт (1094 мужичӧй, 1001 нывбаба), а Войвыв Мылва посёлок да Раскерӧс грездкӧд ӧтвыв — 2169 морт; 1979 воын — 1776 морт, Войвыв Мылва посёлоккӧд ӧтвыв — 1809 морт.
  • 1989 воын тані оліс 1696 морт (51 % — рочьяс, 27 % — комияс); 1999 воын — 1463 морт 489 овмӧсын.[1]
  • 2013 воын Тымсерын вӧлі: челядь сад да шӧр школа, КТК-лӧн Тымсерса участок, Тымсерса участкӧвӧй бурдӧдчанін, клуб, библиотека, гидрометеошӧринлӧн гидрологическӧй пост, Кусӧдчысьяслӧн пост, лесничество, пошта юкӧн, «Телеком» связьлӧн юкӧн.

Олысь лыд[веськӧдны | править код]

Олысь лыд да вояс
1959 1970 1979 1989 1992 1999 2000 2007 2013
997 2095 1776 1696 1682 1463 1467 1202 1305

Медводдза овъяс[веськӧдны | править код]

Посёлокын вӧлі тшӧкыда паныдасьлӧ ыстӧм немечьяслӧн овъяс, а сідзжӧ коми овъяс (Паршуков, Лодыгин).

Культура[веськӧдны | править код]

Велöдöм[веськӧдны | править код]

Овмӧс[веськӧдны | править код]

2013 воын Тымсерын эм: «Монди СЛПК вӧр компания» Кулӧмдінса филиалысь Тымсер участок, Панюкова А.М. да Крючков А.А.-лӧн вӧр пӧрӧдан асшӧр котыръяс, РЭС ЮЭС-лӧн Тымсер участок.

Тöдчана йöз[веськӧдны | править код]

  • Паршукова Екатерина (1996) — пуляӧн лыйсьӧмын Россияса чемпион

Тöдчана эмторъяс[веськӧдны | править код]

Öтуввез[веськӧдны | править код]

Öшмöсъяс[веськӧдны | править код]

Ыстӧдъяс[веськӧдны | править код]

  1. 1,0 1,1 Бурьян М. Тимшер // Республика Коми: Энциклопедия. — Сыктывкар, 2000. — Т. 3. — С. 150.
  2. «Коми сиктъяс» сайтын Тымсер (рочӧн)