Тимушев Георгий Фёдорович

Материал из Wikipedia
Перейти к навигации Перейти к поиску
Тимушев Георгий Фёдорович
Чужан лун:

1922-ӧд вося кӧч 10-ӧд лун(1922-09-10)

Чужанін:
Кулан кад:

1997-ӧд вося косму 30-ӧд лун(1997-04-30) (74 арӧс)

Куланін:
Канму:
Ошканпасъяс да премияяс:
Ленин орден Гӧрд Кодзувлӧн орден Сӧветскӧй Союзса Герой орден Отечественной войны I степени Почёт орден

Шаблон:Серпасыс абу

Тимушев Георгий Фёдорович (19221997) — Айму вӧсна Ыджыд тыш вылӧ ветлысь, Сӧветскӧй Союзса Герой (1945), туялысь-физик.

Олан туй[веськӧдны | править код]

Георгий Тимушев чужӧма Кулӧмдін районса Немдін сиктын 1922 вося кӧч тӧлысь 10-ӧд лунӧ. Батьыс вӧлӧма фельдшерӧн. 1939 воын Кулӧмдінса школаын 10 класс помалӧм бӧрын пырӧма велӧдчыны Коми канмуса педагогика институтлӧн физика-математика факультетӧ. 1941 воын помалӧма кык курс, моз тӧлысьсянь Гӧрд армияын.

Айму вӧсна Ыджыд тыш кадӧ[веськӧдны | править код]

1941 воын помалӧма Кардорын военно-инженернӧй училишӧ. 1942 вося урасьӧм тӧлысьсянь фронт вылын. Тышкасьӧма Сталинград да Курск косьясын. Кокниа ранитӧмаӧсь Днепр вӧсна тышын.

1944 вося моз тӧлысьын лейтенант Георгий Тимушев командуйтӧма 5-ӧд инженерно-сапёрнӧй бригадаса 106-ӧд №-а инженерно-сапёрнӧй батальонлӧн взводӧн, мый пырӧ 2-ӧд Украинаса фронтлӧн 6-ӧд танкӧвӧй армияӧ. Асьсӧ бура петкӧдлӧма Румыния дорйигӧн. 1944 вося моз тӧлысь 25-ӧд лунӧ Тимушевлӧн взводыс мырддьӧма вӧрӧглысь Сирет ю вомӧн кӧрттуй да шоссе посъяс (Текуч кар дорын) да видзӧма найӧс, кытчӧдз эз воны медшӧр вынъясыс.

СССР-са Вылыс Сӧвет Президиумлӧн 1945 вося рака тӧлысь 24-ӧд лунся Шуӧмӧн фронтын командованньӧлысь боевӧй заданньӧ бура вӧчӧмысь да повтӧмлун петкӧдлӧмысь лейтенант Георгий Тимушевлы сетӧма Сӧветскӧй Союзса Герой ним, Ленин орден да «Зарни Кодзув» медаль (8051 номера).

Мукӧд тышын нӧшта на кыкысь ранитчылӧма. Госпитальысь лэдзӧм бӧрын уволитӧмаӧсь Армияысь.

Тыш бӧрын[веськӧдны | править код]

Олӧма Москваын. 1949 воын помалӧма Москва канму университетлысь физика факультет, а сэсся сэні жӧ аспирантуру. Уджалӧма ядернӧй физика научно-исследовательскӧй институтын. Водзмӧстчӧма общественнӧй уджын.

Кулӧма 1997 вося косму тӧлысь 30-ӧд лунӧ. Гуалӧма Троекуров шойнаын (4 участок).

Наградаяс[веськӧдны | править код]

Ӧшмӧсъяс[веськӧдны | править код]

Ыстӧдъяс[веськӧдны | править код]

  1. 1,0 1,1 коми Википедия — 2004.