Тимонин Николай Иосифович

Материал из Wikipedia
Перейти к навигации Перейти к поиску
Тимонин Николай Иосифович
Чужан лун:

1934-ӧд вося тӧвшӧр 2-ӧд лун(1934-01-02)

Чужанін:
Кулан кад:

2016-ӧд вося лӧддза-номъя 19-ӧд лун(2016-06-19) (82 арӧс)

Куланін:
Канму:
Мыйся уджыс:

геолог

Шаблон:Серпасыс абу

Тимонин Николай Иосифович (19342016) — геолог-туялысь, геология-минералогия наукаясса доктор.

Олан туй[веськӧдны | править код]

Николай Тимонин чужис Коми обласьтысь Луздор районса Поруб грездын 1934 вося тӧвшӧр тӧлысь 2-ӧд лунӧ.[1]

1952 воын помаліс Изьва районса Мокчой шӧр школа, 1957 воын — В.В. Вахрушев нима Свердловскса горнӧй институтысь геолого-разведка факультет, босьтіс гӧрд диплом «Техника разведки» специальносьт серти.

19571961 воясӧ уджаліс Лунвыв Уралса да Оренбургса геология управленньӧяслӧн геолоразведкаясын, корсис изшом да ыргӧн куйланінъяс. 1961 восянь уджаліс СССР-са наукаяс академияысь Коми филиаллӧн Геология институтын: старшӧй лаборант, младшӧй да старшӧй научнӧй сотрудникӧн, институтса туясян секретарӧн, ведушӧй да главнӧй научнӧй сотрудникӧн.

Уджысь орӧдчытӧг помаліс аспирантура. 19831996 воясӧ — СССР-са наукаяс академияысь Коми филиаллӧн (ӧні — Россияса наукаяс академиялӧн Коми наука шӧрин) Президиумын веськӧдлысьӧс наукаысь вежысь. Вӧчис ыджыд удж Коми муын туясьӧмъяс котыртӧмын, академическӧй учреждениеяс лӧсьӧдӧмын да ёнмӧдӧмын. Н.И. Тимонин унатор вӧчис СССР-са наукаяс академиялысь Коми филиалысь Коми наука шӧрин артмӧдігӧн.

Куліс Сыктывкарын 2016 вося лӧддза-номъя тӧлысь 19-ӧд лунӧ.

Туясян удж[веськӧдны | править код]

25 во чӧж нуӧдіс туясьӧмъяс Тиманын, Войвыв да Полярнӧй Уралын, Пай-Хойын, Вайгач да Выльму діясын. Туясян уджъясыс йитчӧмаӧсь Урал-Из гӧраяс артмӧмкӧд.

Кандидат ним вылӧ диссертациа дорйис 1971 воын СССР-са наукаяс академиялӧн Геология институтын.

1998 воын Коми наука шӧринса Геология институтын дорйис геология-минералогия наукаясса доктор ним вылӧ диссертациа. Йӧзӧдіс 300 сайӧ туясян удж, на лыдын 20 монографиа.

Общественнӧй удж[веськӧдны | править код]

Н.И. Тимонин вӧчис ыджыд общественнӧй удж.

Котыртіс да веськӧдліс туясян экологическӧй уджтасъясӧн: «Сӧстӧм Печора» (1986), «Коми Республикаса видзана вӧр-ва мутасъяс» (1996). Вӧлі куим тома «Коми Республика» энциклопедияын медшӧр редакторӧс вежысьӧн.

Небӧгъяс[веськӧдны | править код]

  • Тектоника гряды Чернышева. — Л., 1975.
  • Новоземельский мемориал. — Сыктывкар, 1995.
  • Печорская плита: история геологического развития в фанерозое. — Екатеринбург, 1998.
  • Палеогеодинамика Пай-Хоя.
  • Минералогия Пай-Хоя.

Наградаяс[веськӧдны | править код]

  • Коми Республикаса наукаын нималана уджалысь (1992)
  • «Почёт пас»
  • Коми Республикаса канму премиа босьтысь (2001)
  • СССР-са «Знание» котырлӧн «Зіль уджысь» пас
  • «Коми Республикаса мупытшса озырлунъяс корсьӧмын уджысь» пас
  • «Уджвывса ветеран» медаль

Ӧшмӧсъяс[веськӧдны | править код]

  • Дедеев В. Тимонин Николай Иосифович // Республика Коми: Энциклопедия: В 3-х т. — Сыктывкар: Коми кн. изд-во, 2000. — Т. 3. — С. 149.
  • Тимонин Николай Иосифович // Известия Коми научного центра УрО РАН. — 2010. — №. 1. — С. 119.

Ыстӧдъяс[веськӧдны | править код]

  1. Дедеев В. Тимонин Николай Иосифович // Республика Коми: Энциклопедия: В 3-х т. — Сыктывкар: Коми кн. изд-во, 2000. — Т. 3. — С. 149.