Сёрнитанiн:Рассыхаев Василий Николаевич

Ним

Рассыхаев Василий Николаевич али Рассыхаев Микол Вась? Comp1089 10:10, 11 ода кора 2011 (UTC)

МЕ сы вӧсна, медым нимыс вӧлі Рассыхаев Василий Николаевич. Оз ков мортыслы лӧсьӧдны сэтшӧм ним, кыдзи сійӧс некор эз шулыны и оз тӧдны сы ним серти. Мыйла Микол Вась, а абу Микулай Васька либӧ Микул Василей?

Водзӧ кӧ, некор Василий Юхнинӧс эз шулыны Василей Василейӧн (сійӧс нэмыс тӧдӧны кыдзи Луздор Вась), Геннадий Юшковӧс - Толь Геньӧн, Иван Куратовӧс - Ӧльӧш Вань и с.в. А тані, КомиВикиас, гижӧма буретш сідзи, кыдзи тайӧ йӧзсӧ некор ЭЗ ШУНЫ.

Сэсся. Менӧ кӧ тӧдӧны, кыдзи Микол Ӧльӧш, тадзи и колӧ гижны, а оз ков выль ним лӧсьӧдны - Микул Алёш , Микулай Ӧль либӧ Коля Ӧльӧксей, и с.в. --Микол Ӧльӧш 11:30, 11 ода кора 2011 (UTC)

Дерт, öнія комияс коминас оз нин асьнысö шуны. Ковмас, колöкö, ставнысö и википедияас нимтывлыны рочöн, коді эз убöлит коми ним новлыны. Рочмöмаöсь кö нин йöзыс та боксянь да, мыйла мырдöн налы коми нимъяс кöвъявны?

Эськö сэк ми воштам бур позянлун коми мортöс интернетысь корсьны. Со Рассыхаевъяс - саридз, Василий Николаевичьяс - океан. Корсянінö сет да рочъяс пöвстысь öдйöсö он и аддзы коланаöс. А сетін кö эськö Рассыхев Микол Вась, петіс эськö буретш сійö, коді вöлі колö, буди нöшта морт-мöд, но быть коми! Либö Микол Öльöштö гиж да пыр и петö ачыс.

Но рочмим кö нин да, нинöм он вöч. Колö гижны пашпорт серти. Позьö, сідзсö, сетны коми вариант скобкаясын, текст заводитчигöн, со тадз: Рассыхаев Василий Николаевич (комиöн Микол Вась) - тайö ...

Öльöш гарыштіс нин сійö проблема йылісь, коді тан сувтö: эмöсь Микул Алёш, Микулай Ӧль, Коля Ӧльӧксей кодь вариантъяс. Сёрнитчам кö ми коми нимъяс век жö содтывлыны, ковмас ставнымлы öти кывйö воны, кутшöм коми формаяс бöръям стандарт пыдди (официальнöя стандарт вöчны некод оз кут, коми нимъяс йöз пöвстын бырöмаöсь нин да). Тайö коми нимъясöн и вöдитчыны сэсся википедияас роч нимъяскöд öтдырйи. Юргижöдас, бара, колö кольны сöмын роч оригинал. Дерт, мортыс кö ачыс нин асьсö коминас нимтылöма, шуам сійöс ас сертиыс, тшöтш и юргижöдын, а роч нимсö - скобкаясын (текст заводтчигöн жö).

А Öльöш Ваньнас Куратовтö гижöмаöсь нин Беляев да мукöд... Enye Lav 13:15, 11 ода кора 2011 (UTC)