Симаков Иван Николаевич

Симаков Иван Николаевич
Чужан лун:	1906-ӧд вося косму тӧлысь 12-ӧд лун(1906-04-12)
Чужанін:	Лӧзым, Сыктывдін район, Коми Республика, РСФСР Усть-Сысольск уезд, Вӧлӧгда губерния, Россияса империя
Кулан кад:	1943-ӧд вося йирым тӧлысь 15-ӧд лун(1943-10-15) (37 арӧс)
Куланін:	Мариуполь, Донецкая область[d], Украинская ССР[d], Сӧветскӧй Социалистическӧй Республикаяслӧн Союз
Мыйся уджыс:	поэт, публицист

Симаков Иван Николаевич (комиӧн: Сим Вань; 1906—1943) — коми поэт, фельетонист, критик, публицист.

Олан туй

Иван Симаков чужӧма 1906-ӧд вося косму тӧлысь 12-ӧд лунӧ (важ стиль серти — рака тӧлысь 30-ӧд лунӧ) Вӧлӧгда губерняысь Усть-Сысольск уездса Лӧзым сиктын (ӧні — Сыктывдін районын). Гражданскӧй тыш кадӧ батьыс кулӧм бӧрын кольӧма уна челядя семьяас медыджыдӧн.

Помалӧма чужан сиктас начальнӧй школа. Сэсся велӧдчӧма сапӧг вӧчысьӧ. Котыртӧма комсомол чукӧр. 1924—1926-ӧд воясӧ велӧдчӧма Коми обласьтса совпартшколаын. Совпартшкола помалӧм бӧрын уджалӧма избачӧн Изьва районса Сизяыб сиктын. 1929-ӧд восянь уджалӧма Красная Печора газет редакцияын, а 1930-сянь — Вӧрлэдзысь газетын.

1932—1935-ӧд воясӧ Иван Симаков велӧдчӧма Москваын, а 1935-ӧд восянь уджалӧма Коми гижысь котырлӧн веськӧдланінын. 1936-ӧд вося моз тӧлысьӧ сійӧс репрессируйтісны, 1939-ӧд вося моз тӧлысьӧ бӧр лэдзӧны помкаяс тырмытӧм вӧсна.

Айму вӧсна Ыджыд тыш вылын медводдза лунсяньыс. Фронт вылын тышкасьӧма Курск мегыр вылын, дорйӧма Воронеж. Усьӧма Мариуполь кар вӧсна тышын 1943-ӧд вося йирым тӧлысь 15-ӧд лунӧ.

Гижан удж

Медводдза гижӧдъяссӧ лӧсьӧдӧма Коми обласьтса совпартшколаын велӧдчигӧн.

Йӧзӧдчӧма «Ордым» журналын да «Коми сикт» газетын. Пырӧма пролетарист-гижысьяслӧн Коми ассоциацияӧ (КАПП). Вӧлі тӧдса кыдзи сатирик, пародист, чужан сикт да том йӧз йылысь кывбуръяс гижысь.

Ӧшмӧсъяс

• Симаков Иван Николаевич // Мартынов В. И. Литераторы земли Коми: биобиблиогр. справочник. — Сыктывкар, 2000 — С. 24—25.