Серпуховско-Тимирязевскӧй линия
.svg)
Серпуховско-Тимирязевская линия — Москваса метролӧн нёльӧд официальнӧй нумерация да дасӧд хронологическӧй линия. Йитӧ карлӧн войвылын да лунвылын оланінъяс шӧринкӧд. Схемаяс вылын сійӧс петкӧдлӧма сера рӧмӧн да 9 номерӧн.
История
[вежны | Вежны кодировкаын]Линиясӧ ёнджыкасӧ стрӧитісны 1980-ӧд воясӧ.
1983 — воссис Серпуховскаясянь Южнӧйӧдз ӧкмыс станцияа лунвыв радиус.
1985—1987 воясӧ — визьсӧ нюжӧдӧм лунвылӧ (1985 воын, Пражская станция, стрӧитісны Чехословакияса стрӧитчысьяскӧд ӧтув) да войвылӧ (1986 воын — Полянка да Боровицкая; 1987 воын — Чеховская).
1988 — визьсӧ нюжӧдісны Савеловскӧй станцияӧдз, восьтісны Цветнӧй бульвар, Менделеевскӧй да Савеловскӧй станцияяс.
1991 — восьтӧма Дмитровскӧйсянь Отраднӧйӧдз вит станцияа войвыв радиус. Тайӧ сӧвет кадӧ восьтӧм медбӧръя Москваса метро станцияяс.
1992-1994 вояс — визьсӧ нюжӧдісны войвылӧ, восьтісны Бибирево да Алтуфьево станцияяс.
2000-2002 вояс — визьсӧ нюжӧдісны лунвылӧ Войвыв Бутово обласьтӧдз. Восьтісны «Улица Академика Янгеля», «Аннино» да «Дмитрий Донской бульвар» станцияяс. Бӧръяыслы регыд сетісны перевод Бутовскӧй линия вылын Старокачаловскӧй уличаса станцияӧ.
2007 — восьтісны Цветнӧй бульвар станциясянь Трубная станцияӧдз Люблинско-Дмитровскӧй визь вылӧ перевод.
2016 — восьтісны Петровско-Разумовскӧй станциялысь мӧд залсӧ, мый сэсся котыртісны Люблинско-Дмитровскӧй линия вылӧ платформаяс костын вуджӧм.
2018 во — восьтісны «Савеловская» станциясянь «Большой круг» визь вылын татшӧм жӧ нима станцияӧ перевод.
2019 во – Ыджыд гӧгрӧс линия стрӧитӧм кадколаст вылӧ бырӧдісны ӧні дзебӧм Каховскӧй линиялысь Севастопольскӧй станциясянь Каховскӧй станцияӧ вуджӧдӧм.
2021 воын — Севастопольскӧйсянь Каховскӧйӧдз развязка выльысь восьтӧм (бӧръяыс восьтӧма Ыджыд гӧгрӧс линия пытшкын)
2023 вося декабрь 30 лунӧ вокзаллӧн войвыв помсянь восьтісны Каховская станцияӧ выль проход.