Рочев Василий Павлович

Босьтӧма Wikipediaысь
Рочев Василий Павлович
Портрет
Чужан лун:

1951-ӧд вося ӧшым тӧлысь 22-ӧд лун(1951-12-22) (72 арӧс)

Чужанін:
Канму:
Мыйся уджыс:

лыжный гонщик

Ошканпасъяс да премияяс:
заслуженный мастер спорта СССР
 Рочев Василий Павлович на Викискладе
Николай Зимятов да Василий Рочев (веськыдладорас) (2008 во)

Рочев Василий Павлович (1951) — лызьӧн нималана коми котралысь, СССР-са чемпионатъясын 12-ысь вермысь, мирса чемпионатъясын мӧд да коймӧд места босьтысь, тӧвся Олимпиадаын (Лейк-Плесид, 1980) зарни да эзысь медальяс босьтысь, СССР-са спортын нимӧдана мастер (1980), Россияса нимӧдана тренер (1998).

Олан туй[вежны | Вежны кодировкаын]

  • 1951, ӧшым тӧлысь 22 лун — чужис Коми АССР-са Изьва районын Сизяб сикт овмӧдчӧмин улӧ пырысь Букур грездын.
  • 1969 — помаліс Букурса шӧр школа да пырис велӧдчыны И.А. Куратов нима Сыктывкарса педагогика училишӧӧ «Физвоспитание» юкӧнӧ. Сэки жӧ вӧлі пыртӧма «Урожай» ДСО томуловлӧн котырӧ.
  • 1970 — муніс служитны армияӧ.
  • 19761982 — велӧдчис Лесгафт нима физическӧй культураса канму институтын.
  • 1982-сянь — В.Рочев уджалӧ лызьӧн котралӧм серти Коми Республикаса сборнӧйын старшӧй тренерӧн.

Вермӧмъяс[вежны | Вежны кодировкаын]

Армияын служитігӧн вӧлі котралӧ «Динамо» спортклубын, веськаліс СССР-са томуловлӧн сборнӧйӧ. 1971 воын нин томулов пӧвстын Европаса чемпионатын (Нессельванг, ФРГ) босьтіс мӧд места, кор котӧртіс 10 километра, да медводдза, кор котӧртіс 3х10 километра вылӧ эстафетаын.

19711982 воясӧ Василий Рочев пырӧ СССР-са сборнӧй командаӧ.

СССР-са чемпионатъяс[вежны | Вежны кодировкаын]

Лызьӧн котралӧм серти СССР-са чемпионатъясын босьтіс 12 зарни, 8 эзысь да 5 ыргӧн медаль. СССР-са Кубок кыкысь босьтысь да унаысь призёр. Сідзжӧ унаысь вермыліс войтыркостса ордйысьӧмъясын.

Ставмирса чемпионатъяс[вежны | Вежны кодировкаын]

Василий Рочев веськавліс ставмирса вит чемпионат вылӧ (1974 да 1978 воясӧ). Медводдза жӧ мирса чемпионат вылын 1974 воын Лахти карын шедӧдіс «ыргӧн» 15-километраа спринтын. Сэки медводдзаӧн воис норвег М.Мюрмо, а мӧдӧн — немеч Г. Гриммер. Вит чемпионатын босьтіс ӧти зарни, кык эзысь да кык ыргӧн медаль.[1]

Олимпиада ворсӧмъяс[вежны | Вежны кодировкаын]

Василий рочев ветліс кык тӧвся Олимпиада вылӧ: 1976 да 1980 воясӧ. XII тӧвся Олимпиада ворсӧмъяс дырйи (Инсбрук, Австрия) сылы некутшӧм медаль эз вичмы. 1980 вося тӧвся Олимпиада дырйи (Лейк-Плэсид, США) шедӧдіс эзысь медаль 30 километра классикаӧн котӧртігӧн да зарни медаль командаӧн 4х10 километра эстафетаын.

Тренер удж[вежны | Вежны кодировкаын]

Василий Рочев 1982 восянь уджалӧ Коми Республикаса сборнӧйын старшӧй тренерӧн. Сійӧ быдтіс Россияса унаысь чемпион Владимир Ленскийӧс, 1998-ӧд вося тӧвся Олимпиада вылӧ ветлысь Владимир Леготинӧс да Андрей Нутрихинӧс. Сылӧн веськӧдлӧм улын Василий Рочев (пиыс) 2005 воын шедӧдіс зарни медаль ставмирса чемпионатын, а 2006 воын XX-ӧд тӧвся Олимпиада ворсӧмъяс дырйи (Турин, Италия) лои ыргӧн медаль босьтысьӧн. XX-ӧд Олимпиада вылӧ ветлісны сідзжӧ нӧшта на кык сылӧн быдтас — Ольга Рочева-Москаленко да Иван Артеев.

Наградаяс[вежны | Вежны кодировкаын]

Ӧшмӧсъяс[вежны | Вежны кодировкаын]

Ыстӧдъяс[вежны | Вежны кодировкаын]

  1. Олимпийский чемпион, чемпион мира и Европы, многократный чемпион СССР, заслуженный мастер спорта по лыжным гонкам.
  2. Россияса Президентлӧн 253 №-а Шуӧм (2004, урасьӧм тӧлысь 22-ӧд лун
  3. Глава Коми вручил государственные награды Российской Федерации и Республики Коми // «Комиинформ» юӧр сетан агентство (2021.08.20-ӧд лун; рочӧн