Рогачёв Михаил Борисович

Рогачёв Михаил Борисович
	Рогачёв Михаил Борисович
Чужан лун:	1952-ӧд вося кӧч тӧлысь 29-ӧд лун
Чужанін:	Рига, Сӧветскӧй Социалистическӧй Республикаяслӧн Союз;
Кулан кад:	2021-ӧд вося тӧвшӧр тӧлысь 3-ӧд лун (68 арӧс)
Куланін:	Петыркар, Рочму;
Мыйся уджыс:	учёный, историк, издатель, редактор
Ошканпасъяс да премияяс:	Премия фонда имени Д. С. Лихачева[d] (2013)

Шаблон:Серпасыс абу

Рогачёв Михаил Борисович (1952—2021) — коми историк-туялысь, общественнӧй удж вӧчысь.

Олан туй[вежны | Вежны кодировкаын]

Михаил Рочачёв чужӧма 1952-ӧд вося кӧч тӧлысь 29-ӧд лунӧ Ригаын.

Ленинградса канму университетысь история факультет помалӧм бӧрын 1975-ӧд воын рапределение серти локтӧма Комиӧ. 1975—1976-ӧд воясын велӧдӧма Емдін районса Туискерӧсса школаын. 1979-ӧд воын помалӧма СССР-са наукаяс академиялӧн Коми филиалса аспирантура. Аспирантураын велӧдчӧм бӧрас 1979—1992-ӧд воясын зільӧма Кыв, литература да история институтын.

Дас воысь дырджык, 1992—2009-ӧд воясын, вӧлӧма директорӧс вежысьӧн, история велӧдысьӧн Сыктывкар университетбердса лицейын.

Кулӧма 2021-ӧд вося тӧвшӧр тӧлысь 3-ӧд лунӧ Петыркарын коронавирусысь (COVID-19).

Туялан удж[вежны | Вежны кодировкаын]

2005-ӧд воын Сыктывкарса канму унивеситетын дорйӧма история наукаясса кандидат ним вылӧ диссертация «Депортированные польские граждане в Коми АССР в 1940—1944 годах» тема серти.

2000-ӧд вояссянь — политическӧй репрессияяс улӧ веськалӧм йӧзлӧн Коми Республикаса «Покаяние» мартирологлӧн медшӧр редактор. 1998-ӧд восянь 2013-ӧд воӧдз дасьтӧма 10 том (12 том да 20 небӧг 2017-ӧд во кежлӧ).

Общественнӧй удж[вежны | Вежны кодировкаын]

1989—2007-ӧд воясын веськӧдлӧма «Мемориал» общественнӧй котырлӧн Сыктывкарса юкӧнӧн.

2000-ӧд восянь — политическӧй репрессияяс улӧ веськалӧм йӧзлӧн Коми Республикаса «Покаяние» общественнӧй фондса правленньӧын веськӧдлысь. Сідзжӧ вӧлі пырӧ «Мемориал» фондлӧн ставмирса правленньӧӧ.