Рекемчук Александр Евсеевич
| Рекемчук Александр Евсеевич | |
| Чужан лун: |
1927-ӧд вося ӧшым тӧлысь 25-ӧд лун[1][2] |
|---|---|
| Чужанін: | |
| Кулан кад: |
2017-ӧд вося сора тӧлысь 6-ӧд лун (89 арӧс) |
| Куланін: | |
| Канму: | |
| Мыйся уджыс: | |
| Ошканпасъяс да премияяс: |
    |
Рекемчук Александр Евсеевич (1927—2017) — коми гижысьясӧс роч кыв вылӧ вуджӧдысь, роч гижысь, киносценарист.
Олан туй[вежны | Вежны кодировкаын]
Александр Рекемчук чужӧма 1927 вося ӧшым тӧлысь 25 лунӧ Одессаын. 1952 воын помалӧма Литературнӧй институт. Медводдза курс бӧрас ас кӧсйӧм серти мунӧма Сыктывкарӧ. Тані 1947 восянь 1959 воӧдз сійӧ журналисталӧма «За новый Север» газет редакцияын (сёрӧнджык кутіс шусьыны «Красное знамя»). Сэсся корреспонденталӧма «Красное знамя» газетын Укваын. 1948 восянь веськӧдлӧма Укваса литература котырӧн. Медым кольччыны Коми АССР-ын, гижысь вуджӧма Литературнӧй институтлӧн заочнӧй юкӧнӧ.
Сыктывкарын Александр Рекемчук гӧтрасьӧма Луиза Потолицынакӧд, и 1963 воын найӧ вуджӧмаӧсь овны Москваӧ.
1970 восянь пырӧ РСФСР-са гижысь котырлӧн правленньӧӧ, 1971-сянь — СССР-са гижысь котырӧ. 1975 восянь Александр Евсеевич веськӧдлӧма Литинститутлӧн кафедраса «Литературное мастерство» семинарӧн.
Кулӧма 2017 вося сора тӧлысь 6 лунӧ[3]
Гижан удж[вежны | Вежны кодировкаын]
Медтӧдса гижӧдъясыс — «Молодо-зелено», «Мальчики», «Нежный возраст», «36 и 6» да «Хлопоты» повесьтъяс, «Мамонты» очерк чукӧр. Гижӧдъяссӧ вуджӧдӧма уна кыв вылӧ. Сылӧн сценарийяс серти лӧсьӧдӧма 11 кинофильм.
Уна гижӧдын лоӧмторъясыс мунӧны Комиын, а «Тридцать шесть и шесть» автобиографическӧй романын серпасалӧма войвывса «Город-на-реке», мый улын кокни тӧдмавны Сыктывкар.
Сыктывкарын торъя небӧгъясӧн вӧлі йӧзӧдӧма «Стужа» (1956) да «Берега» (1958) висьт чукӧръяс, «Время летних отпусков» повесьтъяс да висьтъяс чукӧр (1959), «Скудный материк» роман (1968). 2006 воын йӧзӧдӧма «Мамонты» выль небӧг - рӧдвуж йывсьыс эпическӧй гижӧд.
Вуджӧдіс роч кыв вылӧ коми гижысьяслысь небӧгъяссӧ.[4]
Наградаяс[вежны | Вежны кодировкаын]
- Уджвывса Гӧрд Дӧрапас орден (кыкысь) (1976, 1984)
- «Почёт пас» орден (1984)
- Войтыръяслӧн Ёрталун орден (1997)
- Россияын вылыс школасаса нимӧдана уджалысь (2004)
Ӧшмӧсъяс[вежны | Вежны кодировкаын]
Ыстӧдъяс[вежны | Вежны кодировкаын]
- ↑ 1,0 1,1 1,2 Рекемчук Александр Евсеевич // Большая советская энциклопедия: [в 30 т.] / под ред. А. М. Прохоров — 3-е изд. — М.: Советская энциклопедия, 1969.
- ↑ Русская литература XX века. Прозаики, поэты, драматурги / под ред. Н. Н. Скатов — 2005. — С. 179–181. — ISBN 5-94848-307-X
- ↑ Умер писатель и сценарист Александр Рекемчук // «Российская газета» (2017.07.07 лун; рочӧн)
- ↑ На 90-м году жизни скончался писатель и сценарист Александр Рекемчук // «Комиинформ» юӧр сетан агентство (2017.07.08; рочӧн)