Кристослӧн Рӧштвоыс

Босьтӧма Wikipediaысь
(водзӧ ыстӧма «Рöштво»ысь)
Кристослӧн Рӧштвоыс Андрей Рублёвлӧн иконаыс

Кристослӧн Рӧштвоыс (рочӧн Рождество Христово) - православнӧй вичкоса гаж, пасйӧны тӧвшӧр 7-ӧд лунӧ.

Эскӧмъяс[вежны | Вежны кодировкаын]

Рӧштвосянь Ва вежӧдан лунӧдз кадколастсӧ шуӧны Вежадыр (Эжва вожын), Вежа пӧра (Изьва вожын), Светтьӧ (Луздор вожын). Тайӧ лунъясас оз позь печкыны, тшӧтшӧдны гыж, шырсьыны, пеславны кӧлуй. Шуӧны, кутан кӧ та кадӧ печкыны, кутир-катирыс дзугас став печкан уджтӧ, либӧ куттяыс сіталас да кудзалас кудель вылад. Печкантӧ оз позь кольны сёр вылӧ.

Ворсӧм[вежны | Вежны кодировкаын]

Рӧштвосянь кык вежон чӧж (кӧнсюрӧ – сӧмын ӧти вежон) ворсӧны ыж шегйӧн. Эскӧны, мый татшӧм ногӧн позьӧ содтыны ыжлысь лыдсӧ.

Челядьӧс повзьӧдлӧм[вежны | Вежны кодировкаын]

Йӧзыс чайтӧны, мый тайӧ лунъясас ветлӧдлӧны «куттяяс», кодъясӧн повзьӧдлӧны челядьӧс: «водз игнасьӧй, куттяяс мед оз пырны». Челядьсӧ оз лысьтны рытъяснас лэдзны ывлаӧ.

Тшыкӧдчӧм[вежны | Вежны кодировкаын]

Йӧзыс эскӧны, мый лёк вынъяс вермӧны пырны картаӧ да тшыкӧдны мӧстӧ, кодлӧн сэсся вошӧ йӧлыс. Медым видзчысьны лёкторйысь, кӧзяйка пернапасалӧ керка-карта ӧдзӧсъяс, лыддьӧ молитва.

Куття-войса[вежны | Вежны кодировкаын]

Шуӧны, мый Рӧштвоӧдз колӧ быдлаысь бус чышкавны. Оз кӧ чышкавны, сэтчӧ овмӧдчӧ «куття-войся» (куття, кити-коти, куття-даддя, шора, куль, шы пуляк). Йӧзыслӧн чайтӧм серти, куттяяс петӧны ваысь, сэтчӧ жӧ вермасны кыскыны йӧзсӧ.

Войпук[вежны | Вежны кодировкаын]

Том йӧз чукӧртчывлӧны войпукъяс вылӧ, кӧні гажӧдчӧны – сьылӧны, йӧктӧны, ворсӧны. Емва вожса сиктъясын войпук дырйи ворсӧны «Приятель» да «Старик» ворсӧмъясӧн.

Кругӧн йӧктігӧн сьывлӧны «Из-за лесу», «Дай, дай, сваття», «Да сьылім, сьылім, сьылім» да «Тшуи» сьыланкывъяс.

Ӧшмӧс[вежны | Вежны кодировкаын]

  • Коми календар. 2009 во / Лӧсьӧдіс Ӧльӧш Рассыхаев. Сыктывкар, 2008.