Пышкай (ворсӧм)
Пышкай — коми челядьлöн важся йöзкостса ворсöм.
Пудъясянкывйöн бöрйöны куталысьöс («пышкайöс»). Сылысь синсö кöрталöны чышъянöн, либö сiйö синсö сöмын куньö. Мукöдыс («каньяс») кытшлалöны гöгöрыс да сьылöны:
Миян гажа сад йöрö
Локтöс пышкай да сьылö.
Пышкай, пышкай, эн вуграв,
Кодi нявöстас, тöдмав? (Аныб).
Кор ставныс лöньöны, ворсысьяс пиысь кодкö нявöстö. Куталысь кö тöдмалас нявöстысьсö, найö вежсьöны мастаяснас, а оз кö – водзö кутас тöдмавны.