Порошкин Александр Григорьевич

Босьтӧма Wikipediaысь

Порошкин Александр Григорьевич (19302019) — коми математик-туялысь, физика-математика наукаясса кандидат, профессор.

Олан туй[вежны | Вежны кодировкаын]

Александр Порошкин чужӧма 1930-ӧд вося кӧч тӧлысь 8-ӧд лунӧ Коми (Зыряна) асвеськӧдлан обласьтын Сыктывдін районса Зеленеч сиктсӧвет улӧ пырысь Вылыс Чукачой грездын кресьттянин семьяын. Батьыс ыджыд нылыскӧд 1932-ӧд воын мунӧмаӧсь уджавны Сыктывкарӧ; 1937-ӧд воын на дорӧ воӧмаӧсь и гӧтырыс да мукӧд челядьыс. Александр 1947-ӧд воын помалӧма Сыктывкарын 12-ӧд номера Олег Кошевой нима шӧр школа, 1951-ӧд воынКоми канмуса педагогика институтысь физика-математика пакультет. Институт бӧрын ӧти во уджалӧма Лӧзымса да Сыктывкарса 12-ӧд номера школаясын, а сэсся локтӧма институтса математика кафедраӧ, кӧні уджалӧма 1976 воӧдз. Ӧти кадӧ веськӧдлӧма кафедранас.

Аспиранталӧма А. И. Герцен нима Ленинградса канму педагогика институтын. 1970-ӧд воын дорйӧма физика-математика наукаясса кандидатлысь диссертация, лоӧма доцентӧн. 1976-ӧд воын вуджӧма уджавны Сыктывкарса канму университетлӧн Высшӧй математика кафедраӧ (1989-ӧд вося йирым тӧлысьсянь — математика анализ кафедра). 1992-ӧд восянь — профессор.

Кулӧма 2019-ӧд вося урасьӧм тӧлысь 22-ӧд лунӧ.[1]

Туясян удж[вежны | Вежны кодировкаын]

Аспирантураын велӧдчигӧн сылӧн веськӧдлысьӧн вӧлӧма профессор Б. З. Вулих. Медводдза уджъяссӧ А. Г. Порошкин сідзжӧ сиӧма К-ин теория туялӧмлы.

Лэдзӧма москваса да сыктывкарса небӧг лэдзанінъясын студентъяслы да велӧдчысьяслы 14 велӧдчан небӧг.

1982-ӧд воын А. Г. Порошкин водзмӧстчӧма, медым Комиын йӧзӧдӧны математикаысь туясян уджъяслысь вузъяскостса сборник. 19821991 воясӧ петӧма вит татшӧм сборник.

А. Г. Порошкин — Америкаса математика котырӧ пырысь, «Mathematical Reviews» журналса референт.

Небӧгъяс[вежны | Вежны кодировкаын]

  • Готман Э. Г., Порошкин А. Г. Задачи для школьных математических кружков. — Сыктывкар: Коми книжное изд-во, 1976. — 110 с.
  • Порошкин А. Г. Задачи и упражнения по теории меры и интеграла / Пермский ун-т. — Сыктывкар, 1979. — 70 с.
  • Порошкин А. Г. Теория меры и интеграла. Учебное пососбие по спецкурсу / Пермский ун-т. — Сыктывкар, 1983. 83 с.
  • Порошкин А. Г. Упорядоченные пространства. Булевы алгебры. Учебное пособие по спецкурсу / Сыктывкарский ун-т. — Сыктывкар, 1987. — 85 с.
  • Порошкин А. Г. Векторные меры. Учебное пособие по спецкурсу / Сыктывкарский ун-т. — Сыктывкар, 1990. — 53 с.
  • Баженов И. И., Порошкин А. Г., Тимофеев А. Ю., Яковлев В. Д. Задачи для школьных математических кружков. — Сыктывкар, 1994. — 168 с.
  • Порошкин А. Г. Теория меры и интеграла. Учебное пособие / Сыктывкарский ун-т. — Сыктывкар, 1996. — 170 с.
  • Порошкин А. Г. Дифференцируемые отображения. Учебное пособие / Сыктывкарский ун-т. — Сыктывкар, 1999. — 67 с.

Наградаяс[вежны | Вежны кодировкаын]

  • Коми Республикаса наукаын нимӧдана уджалысь (1994)
  • Коми Республикаса канму премия босьтысь студентъяслы да школьникъяслы методикаа велӧдчан небӧгъяс дасьтӧмысь (2005)[2]
  • Коми Республикаса Веськӧдлан котырлысь премия босьтысь велӧдӧм юкӧнын «Задачи для школьных математических кружков» небӧгысь (2007, мукӧдыскӧд ӧтвылысь)
  • Уджвывса ветеран.
  • «1941–1945 воясӧ Айму вӧсна Ыджыд тышын бур уджысь» медаль
  • «Айму вӧсна Ыджыд тышын Вермӧмлы 50 во» медаль
  • «Россияса Вылыс школа» торъялана пас
  • «Уджын ыджыд вермӧмъясысь» пас
  • «РСФСР-са народнӧй просвещениеын отличник»

Ӧшмӧсъяс[вежны | Вежны кодировкаын]

Ыстӧдъяс[вежны | Вежны кодировкаын]

  1. Из жизни ушел профессор А.Г.Порошкин // Сыктывкарса канму университетлӧн музей сайт (рочӧн; 2019.02.28-ӧд лун)
  2. В строю ветераны Сыктывдина // «Красное знамя Севера» газет, 2015.12.27