Лымва (Кӧрткерӧс район)

Лымва (рочӧн Лымва) – Коми Республикаса Кӧрткерӧс районысь Одыб сикт овмӧдчӧмин улӧ пырысь грезд. Бырис 1998 во кежлӧ.

Ним артмӧм

Грезд ним артмӧма ю нимсянь.

Грезд пукалӧ Лымва юлӧн веськыд берегын, Гортъёль да Мичаёль юяслӧн вомсянь неылын. Лымвасянь Одыбӧдз 35 км, Кӧрткерӧс юрсиктӧдз 165 км.

Ас му туялысь А.А. Панюков серти, 1840-ӧд воясӧ татчӧ овмӧдчис Джиян грездысь Е.М. Попов аслас семьянас (12 морт — 6 мужичӧй, 6 нывбаба). Вермас лоны, Лымва бокын олісны сідзжӧ Нёбдін сиктысь петлӧм йӧз.
1845 вося Висер вичкоса висьтасян ведомосьтъясын пасйӧма «Лымва» («Микулай», «Никольское»).
1849 — А.А. Панюков серти, тані вӧлі 3 овмӧс, 14 морт.
1850 да 1858 воясся Ревизия сказкаясын, 1859 да 1881 воясся оланінъяслӧн списокын грезд нимыс оз паныдасьлы.
1876 — Лымваын 6 овмӧс, 31 олысь; 1886 — 6 овмӧс, 39 морт, эм часовня; 1892 — Лымва пӧчинӧкын 41 олысь.
1916 — «Лымвинскаяын» 15 овмӧс, 86 морт; 1926 — «Лымва» грездын 22 овмӧс, 119 морт.
1930 — Грездын эм школа да «гӧрд пельӧс».
1989 — Олӧ 10 морт (7 мужичӧй, 3 нывбаба) — ставныс комияс.
1995 — 4 овмӧсын олӧ 10 морт.
1998 воын тані эз коль ниӧти олысь.^[1]

Грездын олісны комияс.

Вояс да олысь лыд
1845	1849	1876	1886	1892	1916	1926	1939	1959	1963	1970	1979	1989	1995	1998
12	14	31	39	41	86	119	211	81	108	90	50	10	6	0

Атлас Республики Коми. – Москва, 2000.
Жеребцов И.Л. Где ты живешь: Населенные пункты Республики Коми. Историко-демографический справочник. – Сыктывкар, 2000.
История Коми с древнейших времен до конца XX века: В 2-х т. / Под общей редакцией А.Ф. Сметанина. – Сыктывкар, 2004.
Республика Коми: Административно-территориальное деление на 1 августа 1992 г. Издание пятое. – Сыктывкар, 1992.
Республика Коми: Энциклопедия. – Сыктывкар, 1997-2000. – Т. 1-3.