Карбас (Иньва район)

Материал из Wikipedia
Перейти к навигации Перейти к поиску
Карбас
Карбас
Му:  Рочму
Статус:  грезд
Дорму:  Перым край
район:  Кудымкар район
Медводдза казьтыштӧм:  1800
Инлыдпасъяс:  59°11′23″ в. п. 54°30′51″ а. к. / 59.189722° в. п. 54.514167° а. к. (G)
Мутас:  1 км²
Официал кыв  коми, роч
Олысьяс  173 морт (2009)
Час кытш:  UTC+5
Телефон код:  +7 34260
Пошта индӧс:  619556
Автомобиль код:  59, 81, 159


Карба́сПерым крайысь Коми кытшын Кудымкар районса Бевоёв овмӧдчӧмин улӧ пырысь коми грезд.

Ним йылысь[веськӧдны | править код]

Карбас грезд ним йылысь сьӧкыд мыйкӧ шуны. Кодсюрӧ чайтӧны, карбас (ыджыд пыж) вылӧ муныштӧ да, тадзи и шусьӧ. Рочьяс войдӧр грездсӧ шуӧмаӧсь Карбасова.

География[веськӧдны | править код]

Карбас грезд пукалӧ Ошмушашор да Метшкöр юяс дорын, Бевоёв сиктсянь войвылö 6 км ылнаын да Кудымкарсянь рытыв-войвывладор 25 км ылнаын.

Орчча грездъяс[веськӧдны | править код]

Орччӧн аддзам грездъяс: войвылас 1,5 км ылнаын Илля, вой-асыввылас 1,7 км ылнаын Козвовчи, вой-рытыввылас кык километра мында ылнаын Епанов да лунвылас 2,7 км ылнаын Важ Чигас.

Матыс ландшафтъяс[веськӧдны | править код]

  • Крутöй мыск (асыввылас)
  • Кузькерӧс, сэтчӧс туй, сёнъяс, эндӧм ыбъяс (лунвыв-асыввылын)
  • Палё́ж
  • Пожума вöр
  • Фермаыб, гараж = Метшкöрдор (войвылас)
  • Юсай (Метшкöр сайын)
  • Яг (кӧдзаяс да сён, орччӧн нюр; лунвылын)

Юкӧнъяс[веськӧдны | править код]

Карбасын куим му юкӧн:

  • Карбас (ю веськыд вадорын)
  • Васай (ю шуйга вадорын)
  • Потев (ю веськыд вадорын, рытыввылас)

Туйяс[веськӧдны | править код]

Карбасын арталöны квайт туй [1]:

Коми ним Роч ним
Вапöв туй ул. Набережная
Ликачов туй ул. Лихачева
Шöрöт туй ул. Центральная
Рочов туй ул. Рочева
Том туй ул. Молодёжная
Юсай туй ул. Заречная

История[веськӧдны | править код]

1869 вося лыддьӧг серти Карбасын мездлун сетігкежлӧ вӧлӧма 31 овмӧс, олӧмаӧсь 120 айморт да 126 ань.

XX нэм пуксигӧн грездыс лыддьысьӧма Перым губерняса Совкар уездысь Бевоёв вӧлӧсьтын, тані вӧлі Карбас обществолöн шӧрин.

1926 воӧ йӧзӧс гижалігтырйи Карбасын олӧмаӧсь 497 морт (226 айморт, 271 ань), кутӧмаӧсь 88 овмӧс. Рочыс вӧлӧмаӧсь сизим морт, мукӧдыс — комияс.

1924 восянь Карбас грезд лыддьысьӧма Кудымкар районса (1941-1959 воясӧ Бевоёв районса) Карбас сельсӧветлöн шӧрин.

1970-80 воясӧ Карбасын вӧлі совхоз.

2006 во пуксигӧн, выль роч оланпас серти, Карбассьыс сиктсӧветсӧ бырӧдісны, грезд кутіс пырны Бевоёв овмӧдчӧминӧ.

Веськӧдлӧм[веськӧдны | править код]

Ӧні Карбас грезд пырӧ Кудымкар районса Бевоёв овмӧдчӧминö.

Йӧз[веськӧдны | править код]

Олӧны Карбасын карбасо́вса, ӧти морт йылысь шуӧны карбасо́вскöй либӧ карба́сісь.

Кабалаяс серти 2009 во пансигӧн Карбас грездын олӧма 173 морт, найӧ кутӧны 62 горт овмӧс.

Медваж овыс тані Рочев.

Олысьяс комиöсь, сёрнитӧны комиöн.

Овмӧс да быт[веськӧдны | править код]

Ӧні йӧзыс олӧны асторъя овмӧсъясӧн.

Ас машинаяс абу уна. Ветлӧ автобус куим пӧв луннас Кудымкарлань. Туйыс асфальтируйтӧм сӧмын лавкаӧдзыс.

Лавкаыс эм сӧмын Бевоёв сельполӧн. Вӧлі нӧшта асторъя, но ӧні пöдлалöма.

Быт службаяс абуӧсь, шырсьыны да мый ветлӧны Бевоёвöдз либӧ Кудымкарöдз.

Позьӧ видзӧдны телевизор, сёрнитны мобильник пыр (Мегафон, UTEL).

Эм ФАП.

Гуалӧны карбасовчи Ярашутёмас (Козвовчиланьын) либӧ Белоёвланяс.

Культура[веськӧдны | править код]

Челядь сад да ичӧт школа Карбассьыс пӧдлалӧмаӧсь. Челядь велӧдчӧны Бевоёвын.

Эм культура керка (клуб), сэні вӧлӧмаӧсь кружокъяс, ӧні коли сӧмын библиотека, актӧвӧй зал пӧртӧмаӧсь физзалӧ, кытӧн ворслӧны волейболӧн да баскетболӧн. Фольклор котыр абу.

Клубас пасйӧны став роч гажлун.

Войтырыс пасйӧны Пӧкрӧв, кодӧс татӧн чайтӧны престольнöй гажлунöн.

Карбасын пӧ вӧлӧма часовня (?). Ӧні татчӧс йӧз ветлӧны юрбитны Кудымкарӧ.

Мыгӧрпасъяс да видзӧдӧминъяс[веськӧдны | править код]

Археологияса аддзӧмин эм Нёпинын.

Ӧшмӧсъяс[веськӧдны | править код]

  • Коми-Пермяцкий национальный округ. Москва-Ленинград, 1948.

Ыстӧдъяс[веськӧдны | править код]

  1. Вот öктіссез сайтісь

Шаблон:Бевоёв овмӧдчӧминъяс оланінъяс