Канюков Виталий Изосимович

Канюков Виталий Изосимович (1928—1995) — перым коми гижысь, журналист.

Олан туй[вежны | Вежны кодировкаын]

Виталий Канюков чужӧма 1928-ӧд вося урасьӧм тӧлысь 1-ӧд лунӧ Перым-Коми кытшын Кудымкар районса) Белоёв сиктын.

Сизим класс помалӧм бӧрын уджалӧма «Большевик» колхозын. Айму вӧсна Ыджыд тыш дырйи вӧлӧма сиктас комсомол котырса секретарӧн. Котыртӧ том йӧзлы тышкасьӧм кежлӧ дасьтысян курсъяс. Регыд мысти сійӧс бӧрйӧны Белоев районса физкультура да спорт комитетса веськӧдлысьӧн. Армияӧ мунтӧдз уджалӧма партияса райкомын.

1959-ӧд восянь уджалӧ Белоев районса «Красная нива» газетын. Водзӧ зільӧ «По ленинскому пути» кытшса газетын да радиоын.

Кулӧма 1995-ӧд воын.

Гижан удж[вежны | Вежны кодировкаын]

В. И. Канюков босьтчӧма гижны поэт Николай Поповкӧд паныдасьлӧм бӧрын. Сылӧн вӧзйӧм серти кутчысьӧма прозаӧ.

1949-ӧд воын «Миян крайын» литературно-художественнӧй чукӧрын петӧма сылӧн медводдза очеркыс. Сэсся гижӧдъясыс петавлісны газетъясын да гижӧд чукӧръясын.

1994-ӧд воын йӧзӧдӧма «Чарӧтӧм пу» небӧг, кытчӧ пырӧма 40 сайӧ висьт.