Калужско-Рижскӧй линия

линия логотип

Линияяс видлалӧм. Заводитчӧ Медведковосянь да помасьӧ Новоясенёвоын

Калужско-Рижская линия — тайӧ Москваса метролӧн квайтӧд линия. Карта вылын сійӧс пасйӧма оранжевӧй рӧмаӧн да 6 номерӧн.

История

1958 воын лэдзисны Калуга да Рига йитан водзӧ вылӧ метро линиялысь медводдза юкӧнсӧ, кузьтаыс 5,4 километра. Тайӧ участокыс, кытчӧ пырис нёль метро станция, муніс Мира проспект кузя, могмӧдіс карлӧн шӧр юкӧн да Ставроссияса видз-му овмӧс выставка костын йитӧд. 1972 воӧдз тайӧ сегментыс шусис Рига радиусӧн да пырисны сэтшӧм станцияяс, кыдзи «Ботаническӧй сад» (1966 воын нимсӧ вежисны «Проспект Мира» вылӧ), «Рижская», «Мир» (1966 восянь «Щербаковская», а 1990 восянь «Алексеевская». ), а сідзжӧ «ВСХВ» (1959 восянь «ВДНХ»).

Мӧд тӧдчана тшупӧдӧн лоис 1962 воын Калуга радиус восьтӧм, мый паськӧдіс метро вез, йитӧма шӧр Москваӧс лунвылын оланінъяскӧд. Восьтöм кадö участоклöн кузьтаыс вöлi 8,9 км да артмис вит станцияысь: Октябрьскöй, Ленинскöй проспект, Академическöй, Профсоюзнöй, Новый Черёмушки. Шаболовскӧй станция, кутшӧмӧс урчитӧма первой планын Октябрьскӧй да Ленинскӧй проспект костын, восьтісны сӧмын 1980 воын.

1964 воӧ Калуга радиуссӧ нюжӧдісны выль электродепоӧдз, кӧні 1964 восянь 1974 воӧдз уджаліс Калужскӧй наземнӧй станция. 1974-öд восянь кутiс уджавны татшöм жö нима выль, мупытшса нин станция, а важсö тупкисны, восьтiсны и Беляево станция.

Калуга да Рига радиусъяс йитöм кузя удж, мый вайöдiс Калуга-Рижскöй визь лöсьöдöмö, заводитчис 1970 воын. Октябрьскӧй да Площадь Ногина станцияяс костын шӧр участоклӧн лунвыв юкӧныс (1990 восянь нималана кыдзи Китай-Город) пыртӧма уджӧ 1971 вося кӧч тӧлысь 4 лунӧ, сы лыдын Новокузнецкая (1983 восянь Третьяковскӧй станцияяс). 1972 вося январын войвыв юкӧныс кутіс уджавны кык станцияӧн — Колхознӧй (1990 восянь Сухаревскӧй) да Тургеневскӧй, пасйӧма сьӧкыд инженерно-геологическӧй условиеясӧн.

1978 воын линиясӧ нюжӧдісны войвылӧ ВДНХ-сянь Медведковоӧдз. Тайӧ 8,1 км кузьта участокас пырис нёль гырысь станция. Вӧлі планируйтӧма котыртны виловӧй ветлӧм «Свиблово» — «Бабушкинская» — «Свиблово» — «Лосиноостровская» схема серти, мый вылӧ «Свиблово» да «Бабушкинская» костын участок вылын колисны запас.

Беляевосянь Бицевскӧй паркӧдз линиялӧн лунвыв юкӧныс (2008 восянь Новоясеневская) восьтісны кык тшупӧдын, медводдзаыс, сы лыдын Конково да Теплы Стан станцияяс, пырис уджӧ 1987 воын.