- ӃТХИӅХКМИӇСХ
- Ит'э т'изалкичэн кәмма,
- Кқэ'мсатумиңсх ңэйңэнк,
- Мизвин сәмтэнк, котлаҳ усхэнк,
- Хнита'ин Украйнанк.
- Тәлчкасчэ'н усхэ'н охэплаҳа'н
- Днэпран коткот, әннан э'лэ'н,
- Т'илфсасчэн хәрвәрвэкил,ҳ
- Днэпран қ'эфқ'эф охэплаҳ.
- Ит'э мӆимэ'н ҳақэла'а'н
- Днэпранк нтхлаӆкичэн Украйнх'аӆ
- Ифа сәмт мизвин ткиллаӆчэн
- Тсэңаӆкичэн ностахчҳанкэ,
- Тэқэнокэ — ифа, ифа
- Кәмма нустахчах, хиқ т'исчэн.
- Кәмма қэ'мсатуки қтэкэйсх,
- Ҳэзу'н, фасхсэ'н, лыӆэ'н қтэсхэнсх,
- Ҳақэла'ан мӆим хэктвэлаҳ
- Ханкэ сәмтанкэ мниӆ қлыноэсх.
- Кңалос ифалах, суньӆқзахэн,
- Ифа кәмма, ч'амзанласха,
- Әнтхвақ қиӆмиңсх, кәмма қтиӆхкмиңсх
- Тэңланьл, кэрвэӆхэтномаӆ.
|
