Иван лун

Материал из Wikipedia

Иван лун (рочӧн Иванов день) — коми йӧзкостса календарын вичко праздниккӧд йитчӧм лун, пасйӧны сора тӧлысь 7-ӧд лунӧ.

Сура праздник[веськӧдны | править код]

Иван лун — сура (крам) праздник Кулӧмдін районса Дереваннӧйын, Кӧрткерӧс районса Джиян грездын, Сыктыв районса Кебраын, Луздор районса Леткаын, Мутнича да Олгу грездын, и с.в.

Эскӧмъяс[веськӧдны | править код]

Эжва йылын Иван лун бӧрын петӧны турун пуктыны. Йӧзыс чайтӧны, мый Иван лун кежлӧ турунъясыс воӧны нин и позьӧ чукӧртны бурдӧдчан быдмӧгъяс. Тӧдысь йӧзыс бурдӧдчан турунсӧ мунӧны чукӧртны водз асывнас. Эскӧны, мый мунігӧн оз позь сёрнитны паныдасьысьяскӧд, колӧ пасьтасьны сӧстӧм еджыд кӧлуйӧ.

Бурдӧдчигъясӧн Иван лунӧ чукӧртӧм корӧсь коръяссӧ пӧжӧны пӧсь ваын да юӧны кызӧмысь.

Тайӧ лунӧ, висьталӧм серти, керкаысь керкаӧ ветлӧны еретикъяс да тшыкӧдӧны мӧсъяссӧ да йӧзсӧ.

Иван лун войӧ йӧзыс ветлӧны вӧрӧ корсьны ас турун либӧ папоротник, коді пӧ войнас дзоридзалӧ. Эскӧны, мый папоротниксӧ видзӧ бес, и сійӧс колӧ гусявны. Кодлы веськалас дзоридзалысь папоротникыс, сійӧс некод оз кут аддзыны. Коді аддзас ассьыс турунсӧ, лоӧ шудаӧн.

Ӧшмӧс[веськӧдны | править код]

  • Коми календар. 2009 во / Лӧсьӧдіс Ӧльӧш Рассыхаев. — Сыктывкар, 2008.