Грен Алексей Николаевич

Материал из Wikipedia
Перейти к навигации Перейти к поиску
Грен Алексей Николаевич
Чужан лун:

5 (17) ӧшым 1862[1]

Чужанін:
Кулан кад:

1932

Канму:

Шаблон:Серпасыс абу

Грен Алексей Николаевич (18621932) — коми кыв да оласног туялысь, Коми му туялан котырса медводдза веськӧдлысь.

Олан туй[веськӧдны | править код]

Алексей Грен чужӧма 1862-ӧд вося ӧшым тӧлысь 5-ӧд лунӧ Екатеринбургын дворянаысь петлӧм полковник семьяын. Помалӧма Петербургса университетысь асыввыв кывъяслысь факультет (1885, лоӧма Ассывыв историяса магистрӧн) да естественно-историческӧй (1886). Краснодар пединститутын профессорӧн уджалігӧн лыддьӧма студентъяслы религия история, кавказоведение, адыгъяслысь история, кыв туялӧм (18851886). 1887-ӧд восянь — Тифлис губерняын народнӧй училишӧясын инспектор. 18911904-ӧд воясынХарьков да Киев университетса приват-доцент. 19041913-ӧд воясын сылы абу лэдзӧмаӧсь велӧдны Кавказын революция удж нуӧдӧмысь. (Кыдзи ачыс гижӧма: «...за поддержку инородцев, по приказу Плеве — лишен на 10 лет»).

19181926-ӧд воясын А.Н. Грен — Вӧлӧгда пединститутса, Ленина нима вылыс тшупӧда Усть-Сысольск техникумса (1922-ӧд восянь) да Краснодар пединститутса профессор. 1926-ӧд восянь уджалӧ Перым университетын. Медводз вӧлі бӧрйӧма коми кыв да культура кафедраса профессорпуӧн; лӧддза-номъя тӧлысьсяньРСФСР-са просвещение нарком вынсьӧдӧма «Коми кыв да культура» курс серти профессор должносьтын. Перымын уджалӧма 1926-ӧд вося йирым тӧлысь 1-дза лунсянь 1927-ӧд вося вӧльгым медводдза лунӧдз. Уджсӧ эновтӧма висьӧм вӧсна да петӧма пенсия вылӧ.

Туясян удж[веськӧдны | править код]

Кавказын уджалігӧн гижӧма 4000 гӧгӧр фольклор текст, мый йӧзӧдӧма «Сборник матерьялов по описанию местностей и племен Кавказа» уджын. Просвещение министерстволӧн журналын йӧзӧдӧма «Династия Багратионов в Армении» статья (1894), «Грузинские рыцарские романы» удж. «История Кавказа» удж да «История Востока» монография — «Известия Киевского университета» журналын.

1904-ӧд во бӧрын лэдзӧма да редактируйтӧма «Россия и Азия» журнал. Ветлӧма Египетӧ, Месопотамияӧ да Индияӧ. Йӧзӧдчӧма, редактируйтӧма «Вестника знания Битнера», кӧні йӧзӧдӧма Аттика да Италия ӧтувтчӧм йылысь статьяяс.

Некымын удж петавлӧма «Коми му» журналын. Гижӧма коми фольклорысь 1500 гӧгӧр текст. Ветлӧма 18 археологическӧй экспедицияӧ. Веськӧдлӧма Коми му туялан котырӧн. А.Г. Грен серти, «Коллекцию зырянских текстов»", профессор Богданов нуӧма Румянцев небӧгаинӧ Москваӧ.

Небӧгъяс да уджъяс[веськӧдны | править код]

  • Грен А.Н. Учебник истории Древнего Востока. Киев, 1898.
  • Грен А.Н. Двадцатый век: научно-литературный сборник для чтения и самообразования, выходящий два раза в год / Под редакцией приват-доцента Киевского университета А.Н. Грена. Киев, 1900. Вып. 1.
  • Грен А.Н. Чеченские тексты, записанные и переведенные под моим руководством Ибрагимом Магомаевым, из аула Гехи. А. Тексты в подлиннике. В. Сказки и легенды чеченцев в русском пересказе. С. Лингвистические заметки. [Тифлис, 1897]. 26 с.
  • Грен А.Н. Евгемеризм и экономическая теория древнегреческой мифологии // Вестник знания. 1916. № 8–9. С. 526–530
  • Грен А.Н. К вопросу о применении латинского алфавита к языкам коми и удмурт // Коми му. 1924. № 3.
  • Грен А.Н. Зырянская мифология // Коми му. 1924. № 4–5, 7–10; 1925. № 1.
  • Грен А.Н. Иркаб. Драматические сцены из зырянского былинного эпоса // Записки Общества изучения Коми края. Усть-Сысольск, 1929. Вып. 2.
  • Грен А.Н. Что знает архангельский Обплан о северо-восточных «инородцах» // Коми му. 1925. № 2.
  • Грен А.Н. Зырянская (коми) литература // Пермский краеведческий сборник. Пермь, 1927. Вып. 3. С. 80–86.

Ӧшмӧсъяс[веськӧдны | править код]

Ыстӧдъяс[веськӧдны | править код]

  1. http://www.fnperm.ru/грен-алексей-николаевич-.aspx