Выль во

Материал из Wikipedia

Öнiя комияс Выль во пасйöны Григорий календар серти тöвшöр 1-öд лунö.

Водзынсö мирын олысь войтырлöн Выль во пансьылöма тулысын либö арын, а та вылö тöдчöма тӧлысь либö шондi серти оласног. Миян нэмöдз 45-öд воын римса император Юлий Цезарь вуджöдöма Выль восö тöвшöр 1-öд лунö

Важ Рочмуын во заводитчöмсö пасйöмаöсь рака тöлысьын, кор тулыс вайö аскöдыс шондi, шоныд да бур урожай вылö лача.

Кор Русь 10 нэм помын пыртчö Кристос эскöмö, Выль во пондöны пасйыны византияса календар серти арнас – кӧч тöлысь öтиöд лунсянь.

1699 воын Петр I сетö индöд выльвоасьны Европаса странаясын моз тöвшöр 1-öд лунö. Россияын кö сэки виччысисны нин мир артмöмсянь 7207 во, то Европаын 1699 во Иисус Кристос чужöмсянь.

Сiдзжö император тшöктö мичмöдны керкаяссö пожӧм да коз увъясöн, чолöмавны да козьнавны рöдвужсö да тöдсаяссö, гажöдчыны войшöр каднас бипур гöгöр.

Кристос эскöмö пырттöдз комияс олiсны вöралан календар серти, кöнi тöдчöдöма кутшöм кадö позьö кыйны-вийны дона куа вöрса пемöсъясöс. Тайö календарыс важöн петiс олöмсьыс, и öнi комияс, кыдзи и мукöд войтыр, пасйöны Выль восö тöвшöр öтиöд лунö.

Во йылысь эм коми нöдкыв: Кузь-кузь пу, дас кык йöзви, нёль ув и сизим коль. (Во, тӧлысь, вежон, лун).

Öшмöс[веськӧдны]

Коми календар. 2009 во / Дасьтiс Öльöш Рассыхаев. Сыктывкар, 2008.