Висьт Ульяновскӧй манастырь

Висьтыс босьтӧма небӧгысь “Коми йӧзкостса важ висьтъяс” кодӧс чукӧртӧма Веньӧ Яркӧ Юрӧ (Юрий Герасимов Рочев)

Ульяновскӧй манастырь существуйтӧ важсянь. Висьталӧны, сiйӧ кутшӧмкӧ дзоляник грезд вӧлi даже Степан Пермскӧй дырся. Сэсся Уралсянь воласны грабительяс, кутшӧмкӧ особӧй национальность, Уральскӧй гӧра сайсянь.И тайӧс, Ульяновскӧй манастырсӧ сiйӧ лёк вӧчысьясыс грабитасны и кутшӧмкӧ мича нылӧс пышйӧдӧны пыжӧн вӧлӧм. Ульяния ныв, нимыс вӧлӧма Ульяния. Оз кӧсйы накӧд мунны и пыжсьыд сiйӧ Эжваӧ чеччыштас и вӧйтчас, пӧдӧ сэсся.

Но, сэсся сiйӧ Ульяна вӧян местасӧ Ульяновскӧйӧ шуасны.Но, сiйӧ лыддьӧны, мый вроде сэтшӧм поступок вӧчӧма Ульяния, мый налы, лёк йӧзлы, эз сетчы, асьсӧ пӧгибнитӧдiс, вӧйтчис. Ӧнi кӧ шуны, героиня, но вот сэсся местаыс и Ульяна.Сы весьтӧ и стрӧитӧмаӧсь манастырсӧ, сы местаӧ.Но ещӧ Ульяна манастырыс, названиеыс ещӧ сложнӧйджык: Ульяновский Троицко-Печорский Стефановский монастырь.Тадзи сложнӧй названиеыс.