Верба лун

Верба лун (рочӧн: Вербное воскресенье) — коми йӧзкостса календарын вичко праздниккӧд йитчӧм лун.

Эскӧмъяс

Ыджыд видздырся квайтӧд вежалунӧ вичкоын пасйӧны Кристолысь Ерусалимӧ пырӧм, йӧз костын шуӧны Верба лунӧн. Вӧр-ваыс гӧгӧр на лымъя, а верба быдмӧма нин: воссьӧ, ловзьӧ, сы серти и празьниксӧ нимтӧны. Вӧрысь либӧ вичкоысь вайӧм вербаӧн вачкышталӧны челядьӧс, дзоньвидзалун сиӧны. Пырджык шуалӧны вербаӧн вачкигмоз:

Верба, верба, сет здоровье! 
Кыдз вербаыс туӧма-быдмӧма,
Сідзжӧ и тэд быдмыны!

Либӧ:

Верба лачкӧ,
Ме ог лачкы,
Верба мозыс жӧ ӧдйӧ быдмыны
Да не висьны!

Сідзжӧ вачкышталӧны став скӧтсӧ, торйӧн нин таво чужӧмаяссӧ. Сэсся пуктӧны вербасӧ енув пельӧсӧ да видзӧны сэні вогӧгӧр чӧж. Уналаын тайӧ верба шатьяснас вачкышталӧны скӧт Ёгорей лунӧ либӧ колльӧдӧны медводдзаысь лудӧ лэдзигӧн.

Кӧть Верба лун веськалӧ Ыджыд видз вылӧ, сэки позьӧ сёйны чери.

Примета

Верба серти примечайтӧны, кутшӧмӧн лоӧ локтан воыс:

• Вербаыс уна вожа кӧ — бур во лоӧ, а кузь йыла кӧ — кӧдзыд, няньтӧм во лоас.
• Берба-баля розъя, бур урожая во лоӧ.
• Берба-баля кӧ йылас — водз кӧдза бур лоӧ, шӧрвыяс кӧ — сёр кӧдза бур лоӧ.
• Бербаыслӧн кӧ йылыс куш, водз кӧдза омӧль лоӧ.
• Берба кӧ вужланьыс гырысь, сёр кӧдза бур лоӧ.

Ӧшмӧсъяс

• Коми календар. 2009 во / Лӧсьӧдіс Ӧльӧш Рассыхаев. — Сыктывкар, 2008.