Борис Дмитриевич Попов

Материал из Wikipedia
Перейти к навигации Перейти к поиску
Борис Дмитриевич Попов

Шаблон:Серпасыс абу

Попов Борис Дмитриевич (19081984) — коми контр-адмирал. Батьыс — Дмитрий Попов — вӧлӧма Коми муын водзмӧстчысь общественникӧн, IV Канмуса думаын депутатӧн, Коми автономнӧй обласьт лӧсьӧдысьяс лыдысь.

Олан туй[веськӧдны | править код]

Борис Попов чужӧма 1908-ӧд вося косму тӧлысь 12-ӧд лунӧ Вӧлӧгда губерняса Усть-Сысольск уездса Дереваннӧй вӧӧсьтын (ӧні — Кулӧмдін районса Дереваннӧй сикт). Велӧдчӧма земскӧй училищеын. 1926-ӧд вося арнас сдайтӧма экзаменъяс да пырӧма Фрунзе нима Ленинградса военно-морскӧй училищеӧ. Репетиторӧн став предмет сертиыс вӧлӧма Александра ыджыдджык чойыс.

Училишӧ помалӧм бӧрын 1930-ӧд воын сійӧс мӧдӧдӧмаӧсь Ылі Асыввывса военнӧй флотилияӧ. Служитӧма «Боровской» СКР-ын вахтаса начальникӧн, 1935-ӧд восянь — Ылі Асыввывса саридз вынъяслӧн штабын 4-ӧй отделысь 3-ӧд юкӧнса начальник. 1936-ӧд вося рака тӧлысьсянь лоӧма Тихӧй Океан флотса штабын боевӧй подготовка отделын начальниклы отсасьыс, а во мысти — «Резвый» эсминецса командирӧн. Хасан ты дорын тышкасигӧн Б. Я. Попов лоӧма Торъя могъяса Саридз отрядын штабса начальникӧн. 1940-ӧд вося йирым тӧлысьын штабса начальник, 1942-ӧд вося моз тӧлысьсянь – Тихӧй Океанса флотын эсминеч бригадаса командир, йирым тӧлысьсянь — штабса начальник, ТИхӧй океан флотса кокни вынъяслӧн отрядын командир. 1944-ӧд вося йирым тӧлысьын сылы сетӧма контр-адмирал звание.

Пуктӧма ыдыжд пай канмулысь задание вӧчигӧн: америкаса вавывса катеръяс прмиитӧмӧ.

1946-ӧд вося косму тӧлысьсянь Б. Поповӧс индӧма СССР-са Военно-морскӧй вынъяслӧн боевӧй подготовка Управленньӧса штабӧ начальникӧн, а моз тӧлысьсянь – Войвыв флотлӧн штабса начальникӧн. 1947-ӧд вося кӧч тӧлысьын Б. Д. Поповӧс вӧлі вуджӧдӧма Сьӧд саридз флотса тралъяслӧн 3-ӧй бригадаӧ командирӧн, а 1949-ӧд вося вӧльгым тӧлысьӧ контр-адмирал мунӧма запасӧ.

Кулӧма 1984-ӧд вося лӧддза-номъя тӧлысь 2-ӧд лунӧ Одессаын.

Ошканпасъяс[веськӧдны | править код]

Ӧшмӧсъяс[веськӧдны | править код]

  • [1] Перова Л. Дальневосточный ленд-лиз // Республика, 2020, кӧч тӧлысь 22-ӧд лун.
  • Знаменитые люди Тихоокеанского флота. Биографический справочник. — СПб, 2011. — 388 с.

Ыстӧдъяс[веськӧдны | править код]