Афьонкарахисар
Афьонкарахисар ( турецкӧй Afyonkarahisar ) — тайӧ кар да район рытыввыв Турцияын, Афьонкарахисар обласьтлӧн административнӧй шӧрин. Йӧз — 128 516 морт (2000 во, йӧзӧс лыддьӧм).
История
[вежны | Вежны кодировкаын]Карлӧн историяыс пансьӧ хетъяслӧн Арзава царство кадсянь (миян эраӧдз II сюрс во шӧрын). Та бöрын сiйö пырис Фригияö, Лидияö, вöлi Александр Македонскийлöн преемникъяслöн, а сэсся Римскöй да Византия империяяслöн веськöдлöм улын. Тайӧ кадколастӧ карыс шусис Акроинӧн.
739 воын византиясаяс, кодъясöн веськöдлiсны король Лев Исавр да сылöн пи Константин, вермисны татчöс арабскöй армияöс. XIII нэм заводитчигöн кар пырис Конья султанатлöн веськöдлöм улö. Сельджукъяслӧн султанъяс местнӧй крепостьын видзисны ассьыныс казнасӧ, и та понда карлы сетісны «Хисар-и Девле» ним, мый вуджӧдӧма «Сувереннӧй крепостьӧн».
Кар сёрӧнджык пырис османъяслӧн веськӧдлӧм улӧ, кодъяс медводз шуисны сійӧс «Карахисар-и Сахибӧн» (Сьӧд крепость кар) кар вылӧ видзӧдысь сьӧд изысь сельджукъяслӧн крепость помысь.
1912 воын карын олӧны ёнджыкасӧ турокъяс (75.406 морт), а сідзжӧ армянъяс (4.812 морт) да грекъяс (1.200 морт).
1921 воын карын лоис греко-турецкӧй войналӧн ӧти тыш.