Лыткин Илля Вась

Файл:Lytkin.jpg

Лыткин Илля Вась

Лыткин Илля Вась (рочöн Лыткин Василий Ильич) (27.12.1895 – 27.08.1981) - нималана коми кывтуялысь, профессор, гижысь.

Чужис Усть–Сысольск бердса (öнi Сыктывкар) Тентюков грездын. Велöдчис карса училищеын, сэсся Тотьмаын велöдысьясöс дасьтан семинарияын. Вöлi сар армияын, тышкасис медводдза мирöвöй да гражданскöй войнаяс вылын.

1925–öд воö помалiс Мöскуаса университетын филология факультет, 1929–öд воö аспирантура. Велöдiс рöдвуж кывъяс Финляндияын, Германияын да Венгрияын. 1927–öд воö Будапештса университетын велöдчöм бöрын лои философия наукаясса докторöн. 1930–1933–öд воясö уджалiс МГУ–ын доцентöн, вöлi велöдысьöн Коми пединститутын.

1933–öд воö В.Лыткинöс подувтöг мыждiсны да йöртiсны дзескыдiнö вит во кежлö. Пукалiс Ылi Асыввылын. Илля Васьлысь нимсö бöр бергöдiсны коми йöзлы 1958–öд воö.

Уна во чöж В.И.Лыткин нуöдiс ыджыд научно–педагогическöй удж миян странаса вузъясын. 1946–öд воын "Древнепермскöй кыв да пермскöй кывъяслöн историческöй грамматика" уджысь сылы сетiсны филология докторлысь ученöй степень. Дас воысь унджык веськöдлiс СССР–са наукаяс Академияын языкознание институтса фин–йöгра кывъяс секторöн. Ыджыд пай пуктiс куратоведениеö.

Таысь кындзи Илля Вась – коми поэт. Уна гижис челядьлы. Коми литератураын нэмъяс чöж кутас овны сылöн "Мунöны" поэмаыс. СССР–са гижысь котырын 1958–öд восянь.

В.И.Лыткин – Коми АССР–са И.А.Куратов нима Государственнöй премияа лауреат, РСФСР–са да Коми АССР–са наука да техника юкöнын заслуженной уджалысь.

Кулiс Мöскуаын, дзебисны Сыктывкарын.

Ыстӧдъяс

• Большая Советская Энциклопедия (БСЭ)
• Традиционная культура Коми Зырян