Троича субӧт
Троича субӧт (рочӧн Троицына суббота) — Троича лунводзса субӧтасӧ шуӧны кодрасян лунӧн, рӧдитель лунӧн.
Эскӧмъяс[вежны | Вежны кодировкаын]
Медводз казьтылӧны кулӧмаясӧс гортын. Асывнас пачысь пӧсь нянь петас да чегӧны шӧри – вошйӧдӧны рӧдительясӧс, лыддьӧдлöны нимнаныс: заводитӧны медся матыссаяссяньыс либӧ сӧмын на неважӧн кулӧм рӧдвужсянь. Шойна вылӧ мунӧны луншӧр гӧгöр. Гу дорӧ матыстчигӧн шыӧдчӧны кулӧма дорӧ ним-вичӧн, копыртчӧны кок улас и юрладорас, кутчысьлӧны крестӧ. Вайӧм сёянсӧ тэчӧны веськыда гу вылӧ либӧ пӧвйысь вӧчӧм гу вевт вылӧ, мукӧдыс – орччӧн вӧчӧм пызан вылӧ. Мичмӧдӧны гуяссӧ кыдз пу росъясӧн. Йӧз костын висьталӧны, мый гу вылын колӧ ёна сёйны и гӧститӧдны став кулӧмасӧ.
Уналаын Сӧвет кадсянь шойна вылӧ кутісны ветлӧдлыны Троича лунӧ. Бӧръя воясӧ позьӧ казявны, мый гуяс вылӧ ветлӧдлӧны и субӧтанас, и шойччан луннас.
Шойна вывсянь локтігӧн чегъявлӧны кыдз пу росъяс, мукӧдлаас керыштӧны дзоляник кыдз пуяс.