Сар
Сар — челядьлöн важся коми ворсöм.
Медводз бöрйöны «сарöс». Муö кодйöны (коклябöрöн тальыштöны) мач ыджда неыджыд гу. Некымын воськовсянь сьöрсьöн-бöрсьöн быдöн му веркöстi мачсö гöгыльтöдö гу весьттi. Кодi мачнас гуö веськалö, «сарöн» лоö. Сiйö пуксьö кытшын лöсьöдöм джекö да мачсö гуö пуктö. Сарсянь кык-куим метра сайын сулалöны ворсысьяс, кодъяс дасьöсь сылöн кывъяс серти либö ылöджык котöртны, либö мачсö босьтны. Кодлысь нимсö сар горöдö, сiйö тэрыба босьтö гуысь мачсö да сарлöн «сувтöй!» кыв бöрын мячсö лыйö пышъялысьяслы. Кодлы инмас, сылы сар сетö кутшöмкö удж: чеччавны кок пöлöн кутшöмкö инöдз, йöктыны, сьывны и с.в.