Размыслов Ананий Прокопьевич

Размыслов Ананий Прокопьевич
	Размыслов Ананий Прокопьевич
Чужан лун:	1915-ӧд вося вӧльгым тӧлысь 6-ӧд лун
Чужанін:	Сотчӧмвыв, Паль сикт овмӧдчӧмин[d], Сыктывдін район, Коми Республика, РСФСР[d]; Яренск уезд, Вӧлӧгда губерния, Россияса империя[d];
Кулан кад:	1943-ӧд вося кӧч тӧлысь 30-ӧд лун (27 арӧс)
Куланін:	Кременчуг[d], Полтавская область[d], Украинская ССР[d], Сӧветскӧй Социалистическӧй Республикаяслӧн Союз;
Канму:	Сӧветскӧй Социалистическӧй Республикаяслӧн Союз;
Мыйся уджыс:	гижысь, вуджӧдчысь, поэт

Шаблон:Серпасыс абу

Размыслов Ананий Прокопьевич (1915—1943) — коми гижысь, вуджӧдчысь.

Олан туй[вежны | Вежны кодировкаын]

Ананий Прокопьевич Размыслов чужӧма Вӧлӧгда губерняын Яренск уездса Сотчӧмвывгрездын (ӧні пырӧ Сыктывдін районса Паль сикт улӧ) 1915-ӧд вося вӧльгым тӧлысь 6-ӧд лунӧ. 1931-ӧд воын помалӧма Емдінса II тшупӧда школа да пырӧма литературнӧй уджалысьяслӧн курсъяс вылӧ, кутӧма уджавны Коми небӧг лэдзанінын редакторӧн. 1933—1937 воясӧ велӧдчӧма Вӧлӧгдаса автодорожнӧй техникумын, уджалӧма автотуй вӧчигӧн техникӧн. 1940-ӧд восянь уджалӧма «Коми комсомолец» газетын.

1941-ӧд вося сора тӧлысь 9-ӧд лунӧ ас кӧсйӧм серти мунӧма Айму вӧсна Ыджыд тыш вылӧ. Тышкасьӧма Рытыввыв, Воронеж да Степь фронтъясын. Старшӧй лейтенант А. Размыслов усьӧма 1943-ӧд вося кӧч тӧлысь 30-ӧд лунӧ Украинаын Полтава обласьтса Ыджыд Кохновка сикт бокын. Гуалӧма Ыджыд Кохновка сиктын. Война бӧрын выль пӧв гуалӧма ӧтувъя гуын.

Гижан удж[вежны | Вежны кодировкаын]

Ананий Размыслов йӧзӧдчӧма 1931-ӧд восянь. Ёнджыкасӧ гижӧма вӧр-ва да радейтчӧм йылысь. Ловъя дырйиыс петавлӧма сӧмын ӧти кывбур чукӧр — «Медводдза любовь» (1941).

Комиӧдӧма А. С. Пушкинӧс, В. Маяковскийӧс, Б. Брюсовӧс, С. Есенинӧс, И. Чавчавадзеӧс, К. Хетагуровӧс да мукӧдӧс.

Украина кыв вылӧ вуджӧдӧмӧн сылӧн кывбуръясыс петӧмаӧсь Украинаын «Заряница» («Асыв кыа») торъя небӧгӧн.

Небӧгъяс[вежны | Вежны кодировкаын]

Комиӧн[вежны | Вежны кодировкаын]

Размыслов А. Медводдза любов: поэма. — Сыктывкар: Комигиз, 1941. — 34 л.б.
Размыслов А. Стихъяс: кывбуръяс. — Сыктывкар: Комигиз, 1950. — 72 л.б.
Размыслов А. Кывбуръяс. — Сыктывкар: Коми кн. изд-во, 1961. — 80 л.б.
Размыслов А. Медводдза любовь: кывбуръяс, поэма, вуджӧдӧм / Дасьтіс Васютов М. Ю. — Сыктывкар: Коми кн. изд-во, 1990. — 104 л.б.