Молодцов анбур

Материал из Wikipedia
Молодцов анбур «Шонді югӧр» небӧгын (1926' во)

Молодцов анбур — тайӧ аслыспӧлӧс Коми анбур. Сыӧн вӧдитчылiсны зыряна комияс 1918-1932 да 1936-1938 воясӧ, а перым комияс 1921-1932 воясӧ. Лӧсьӧдысьыс — коми кывтуялысь В.А. Молодцов.

Вылӧм[веськӧдны]

Молодцов анбур вылын лэдзӧмаӧсь 1920-ӧд воясся уна коми небӧг да газет-журнал. Тайо анбур вылын коми войтырыслӧн пансис коми кывъя школаын велӧдчӧм.

Молодцов анбурысь эновтчылысны медводз коми латынь вылӧ вуджiгмоз (вочасӧн 1930'-1932' вояс чӧж), а сэсся мӧдпӧв шыбитiсны сiйӧс 1938' воӧ, тайӧ пӧрйӧ роч коддьӧм графика пыртӧмысла.

Анбур[веськӧдны]

МОЛОДЦОВ АНБУР
А а Б б В в Г г Ԁ ԁ Ԃ ԃ Е е Ж ж Җ җ З з Ԅ ԅ Ԇ ԇ
I i Ј ј К к Л л Ԉ ԉ М м Н н Ԋ ԋ О о Ö ӧ П п Р р
С с Ԍ ԍ Т т Ԏ ԏ У у (Ф ф) (Х х) (Ц ц) Ч ч Ш ш Щ щ Ы ы

Шыпасъяс[веськӧдны]

Тайӧ анбурын быд коми шыыслы лӧсялiс торъя шыпас. Унджык пасыс босьтӧма вӧлi роч азбукаысь, куимыс - д, и да й шыяс пасйӧм могысь - латинсаысь.

Шыпасъяс ф, х да ц анбурас медводз эз вӧвны, 1920' вояс помын найӧс пыртӧмаӧсь, рочысь босьтӧм кывъясын торъя шыяс петкӧдлӧм могысь.

Латина анбурысь босьтӧмӧсь шыпасъяс

  • Ԁ = ӧнія д
  • і = ӧнія и, і
  • ј = ӧнія й
  • ӧ = ӧнія ӧ

Небыд шыяс мыччалӧмӧсь вылӧ чутіка шыпасъясӧн:

  • ԃ = ӧнія дь
  • ԅ = ӧнія зь
  • ԉ = ӧнія ль
  • ԋ = ӧнія нь
  • ԍ = ӧнія сь
  • ԏ = ӧнія ть

Аслыспӧлӧс аффрикатаяс мыччалӧмӧсь улӧ чутіка шыпасъясӧн:

  • җ = ӧнія дж
  • ԇ = ӧнія дз
  • щ = ӧнія тш

Öшмӧсъяс[веськӧдны]

  • Коми язык. Энциклопедия / Отв. ред. Г.В. Федюнёва. М., 1998. 608 c. ISBN 5-7903-0045-6
  • Молодцов В. Некоторые принципы зырянского правописания. Усть-Сысольск, 1927.

Ыстӧгъяс[веськӧдны]

Видзӧд нӧшта[веськӧдны]