Лютоев Николай Александрович

Лютоев Николай Александрович
	Лютоев Николай Александрович
Чужан лун:	1948-ӧд вося тӧвшӧр тӧлысь 27-ӧд лун (76 арӧс)
Чужанін:	Керчомъя, Кулӧмдін район, Коми Республика, РСФСР[d], Сӧветскӧй Социалистическӧй Республикаяслӧн Союз;
Канму:	Сӧветскӧй Социалистическӧй Республикаяслӧн Союз; Рочму;
Мыйся уджыс:	журналист, редактор газет

Шаблон:Серпасыс абу

Лютоев Николай Александрович (1948—2021) — коми журналист, Россияса журналист котырӧ пырысь.

Олан туй[вежны | Вежны кодировкаын]

Николай Лютоев чужӧма 1948-ӧд вося тӧвшӧр тӧлысь 27-ӧд лунӧ Коми АССР-лӧн Кулӧмдін районса Керчомъя сиктын. Быдмӧма батьтӧгыс, водз велалӧма кресьтянин уджӧ. Мамыс уджалӧма колкозын, а сэсся совхозын кладовщикӧн.^[1] 1966-ӧд воын помалӧма шӧр школа да пырӧма уджавны Прупт леспромхозӧ. Вӧлӧма стрӧительӧн, уджавлӧма Керчомъяса улыс складын. 1967—1969-ӧд воясӧ служитӧма армияын, стратегическӧй назначениеса ракетнӧй войскаын. Запасса капитан.

1969-ӧд восянь Армия бӧрын уджалӧма Керчомъяса кылӧдчан участоклӧн вылыс складын, вӧлӧма пӧрӧдчысьлы отсасьысьӧн. 1971-ӧд восянь сійӧс корисны уджавны Кулӧмдін районса «Ленин туйӧд» газетӧ. Вӧлӧма литсотрудникӧн, меставывса радиовещаниелӧн корреспондентӧн, народнӧй овмӧс юкӧнса веськӧдлысьӧн. 1974—1976-ӧд воясӧ велӧдчӧма Вӧлӧгдаса сӧветскӧй партийнӧй школаын да босьтӧма экономист-организаторлысь специальносьт. 1976-ӧд восянь велӧдчӧм бӧрас уджалӧма КПСС райкомса инструкторӧн, кык во — «Помӧсдін» совхозын парткомса секретарӧн.

1978-ӧд воын вуджӧма уджавны «Ленин туйӧд» газетӧ: вӧлӧма отделса веськӧдлысьӧн, редакторӧс вежысьӧн, редакторӧн. Районса газет редакцияӧн веськӧдлӧма кыкысь: ставсӧ 12 во да джын. Во да ӧкмыс тӧлысь вӧлӧма Кулӧмдін сиктсӧветса веськӧдлысьӧс вежысьӧн, куим во да джын — «Коми му» республикаса газетлӧн собкорӧн. 2007—2008-ӧд воясӧ уджалӧма ветеранъяслӧн райсӧветын веськӧдлысьӧн. 2008-ӧд вося кӧч тӧлысьсянь — «Парма гор» газетса редакторӧс вежысь.

Кулӧма 2021-ӧд вося сора тӧлысь 28-ӧд лунӧ.

Журналист удж[вежны | Вежны кодировкаын]

Журналистикаын комыд гӧгӧр во, 1971-ӧд восянь, кор локтӧма уджавны «Парма гор» газетӧ. Пырӧ Россияса журналист котырӧ. Вӧлӧма СССР-са журналистъяслӧн VI-ӧд Съездса делегатӧн. Журналист удж кузя тӧдмасьлӧма уна нималана морткӧд, босьтлӧма интервью ыджыд роч поэт Роберт Рождественскийлысь, политик Григорий Явлинскийлысь, тӧдса Владимир Познеркӧд и с.в.

Ас олӧм йывсьыс йӧзӧдӧма«Олӧм визулын» небӧг (2011 во), кытчӧ сідзжӧ пыртӧма «Парма гор» газетын йӧзӧдлӧм 1980—2003-ӧд воясся пасйӧдъяс да снимокъяс. Наысь тыдовтчӧ Кулӧмдін районын вежсьӧмъяс, тӧжд-могъяс да выльторъяс. Эжва йывса нималана войтыр йылысь лэдзӧма «Удивительные люди Верхней Вычегды» (2017).^[2]

Редактируйтӧма татшӧм небӧгъяс: «Войнаӧн нырӧм челядьдыр» (2014), «Герой Советского Союза Георгий Тимушев» (2015), «Это нашей истории строки» (2017), «Летопись длиною в полвека» (2018).

Общественнӧй удж[вежны | Вежны кодировкаын]

Куим созыв Николай Лютоевӧс бӧрйылісны Кулӧмдін районса сӧветӧ депутатӧн. Пырӧ «Коми войтыр» ӧтмунӧмлӧн Кулӧмдінса юкӧнӧ, Ветеранъяслӧн райсӧветса президиумӧ.