Кывбертлас

Материал из Wikipedia

Кывбертласчелядь фольклор жанръяс лыдӧс пырысь жанр, сьӧкыд шуаннога сёрникузяяс, кодъясӧс колӧ зільны висьтавны лӧсьыда, правильнӧя да ӧдйӧ.

Ним[веськӧдны]

Коми йӧзкостса культураын кывбертлас кыв кындзи нӧшта вӧдитчӧны кывпесан да кывбертлан терминъясӧн.

Туялӧм[веськӧдны]

Коми челядь фольклор туялысь Юрий Рочев пыртіс кывбертласъяссӧ челядь ворсана фольклорӧ. Найӧ кутӧны ыджыд велӧдан функция да эстетическӧй тӧдчанлун: сӧвмӧдӧны кыв кылӧм-гӧгӧрвоӧм, отсалӧны сёрнитысьлы сӧвмӧдны сёрнитанногсӧ. Кывбертлас текст абу уна лыда да дженьыдӧсь, пример пыдди: «Батъ кок пӧв». Кывбертласъяс кутӧны тӧдчана шмонитана элемент. Паныдасьлӧ и эротическӧй вежӧртас, коді петкӧдчӧ ӧдйӧ шуаліг: «Ен зэрӧ, Сидӧр гӧрӧ, Кузьма нянь шӧралӧ».

Уна кывбертлас лӧсьӧдісны коми гижысьяс Илля Вась, Геннадий Юшков да с.в.

Ӧшмӧсъяс[веськӧдны]