Гячрыпш

Материал из Wikipedia
Гячрыпш
абхаз Гьачрыҧшь,
грузин ლესელიძე
Му:  Абхазия
Статус:  посёлок
Инлыдпасъяс:  0°00′ в. п. 0°00′ а. к. / 0° в. п. 0° а. к. (G)
Олысьяс  1546 морт (2011 во)
Час кытш:  UTC+3


Гячрыпш (абхаз Гьачрыҧшь, грузин ლესელიძე, рочӧн Гячрыпш) — тайӧ Абхазияса курорт посёлок, Гагра муниципалитетын.

География[веськӧдны]

Гячрыпш пукалӧ Сьӧд саридз бокын, Гаграсянь 14 км сайын, неылын РоссияАбхазия границасянь.

История[веськӧдны]

Овмӧдчанінсӧ лӧсьӧдӧма XIX нэмын Ермоловск ним улын. Тадзи шуӧма му вӧдитӧм министр Алексей Ермолов ов серти, коді 1894 воын вӧлі тані.

1944 воын сикт кутіс шусьыны генерал Константин Леселидзе (1903-1944) ов серти, коді тышкасис Айму вӧсна Ыджыд тыш дырйи Кавказын.

Война бӧрын посёлок сӧвмис кыдзи курорт. Леселидзеын лоины челядьлы санаторий, шойччан керка, спортивнӧй база-пансионат. Тані тренируйтчисны медбур спортсменъяс, футболысь СССР-са сборнӧй команда и уна мукӧд. Сідзжӧ тренируйтчисны гандболистъяс да легкоатлетъяс. 1975 воын восьтӧма К.Н. Леселидзелы паметник, авторыс — Силован Якимович Какабадзе.

1992 вося кӧч тӧлысьӧ, кор водзӧ муніс Абхазия-Грузия костын тыш, К.Н. Леселидзелы паметник, кыдзи и мукӧд грузияса паметник, вӧлі жугӧдӧма. Сэки жӧ Абхазия Республикаса Вылыс Сӧветлӧн шуӧмӧн Леселидзе кутіс шусьыны Гечрипш посёлокӧн. Нимыс мунӧ сійӧ мутассьыс, кӧні веськӧдлісны Геч черкес князьяс.

Ӧні курорт посёлокын уджалӧны «Геч» да «Лагуна» пансионатъяс, дзӧляник отельяс да гӧсьт керкаяс, кӧні гожӧмъяснас шойччӧны да гожйӧдчӧны йӧз, ёнджыкасӧ Россияысь.

Йӧз[веськӧдны]

2011 вося Йӧзӧс гижалӧм серти, Гячрыпш сикт овмӧдчӧминын 1546 олысь, на лыдын 980 морт — армянаяс (63,4 %), 215 морт — абхазъяс (13,9 %), 146 морт — рочьяс (9,4 %), 205 морт — мукӧд (13,3 %, тшӧтш и эстъяс).

Ӧшмӧсъяс[веськӧдны]