Афанасьев Евгений Степанович
| Афанасьев Евгений Степанович | |
| Чужан лун: |
1942-ӧд вося йирым тӧлысь 16-ӧд лун |
|---|---|
| Чужанін: | |
| Кулан кад: |
1998-ӧд вося тӧвшӧр тӧлысь 21-ӧд лун (55 арӧс) |
| Мыйся уджыс: | |
Афанасьев Евгений Степанович (1942—1998) — коми журналист, гижысь-сатирик.
Олан туй
[вежны | Вежны кодировкаын]Евгений Афанасьев чужӧма Коми АССР-ын Удора районса Кослан сиктын 1942-ӧд вося йирым тӧлысь 16-ӧд лунӧ. Челядь дырйиыс кольӧма Мутьдін грездын. 1957-ӧд воын помалӧма Пызьдін сиктын 7 вося школа, 1960-ӧд воын — Косланын шӧр школа.
Армияын служитӧм бӧрын вӧлӧма физкультура велӧдысьӧн Пызьдінса 8 вося школаын. Сэсся 8 во уджалӧма вӧр лэдзысьӧн. 1976-ӧд восянь Е.С. Афанасьев — Удора районса «Выль туйӧд» газетса фотокорреспондент. Тшӧкыда ветлывлӧма сиктъясті гижысь корреспонденттӧг, та вӧсна сы пыдди гижлывлӧма ачыс.
Вӧлӧма «Югыд туй» газетын спецкорӧн.
Кулӧма 1998-ӧд вося тӧвшӧр тӧлысь 21-ӧд лунӧ.
Гижан удж
[вежны | Вежны кодировкаын]Евгений Степанович — гижысь-сатирик. Медводз кутіс гижны шмонитана висьтъяс, а сэсся челядьлы. 1977-ӧд воын «Войвыв кодзув» журналын петӧма сылӧн медводдза «Помтӧм сёрни» висьт. Сэксянь тайӧ журналас петӧма кызь сайӧ висьт да кык повесьт.
Йӧзӧдлӧма гижӧдъяссӧ «Выль туйӧд» да «Югыд туй» газетъясын, «Войвыв кодзув», «Чушканзi», «Би кинь» да «Арт» журналъясын.
Сылӧн петавлісны «Кытшъяс», «Пурзьӧмын ар пом», «Вежласяна поводдя» небӧгъяс.
Небӧгъяс
[вежны | Вежны кодировкаын]- Кытшъяс: шмонитана висьтъяс. — Сыктывкар: Коми книжнӧй издательство, 1988. — 72 лб.
- Пурзьӧмын ар пом: повесьт, висьтъяс. — Сыктывкар: Коми книжнӧй издательство, 1994. — 104 лб.
- Вежласяна поводдя: висьтъяс, повесьтъяс. — Сыктывкар: Арт, 2007. — 270 лб.