Попов Эраст Алексеевич

Попов Эраст Алексеевич
Чужан лун:	1926-ӧд вося кӧч тӧлысь 3-ӧд лун(1926-09-03)
Чужанін:	Слӧбӧда, Удора район, Коми Республика, РСФСР[d], Сӧветскӧй Социалистическӧй Республикаяслӧн Союз Емдін уезд, Коми (Зыряна) асвеськӧдлан обласьт, РСФСР[d], Сӧветскӧй Социалистическӧй Республикаяслӧн Союз
Кулан кад:	1986-ӧд вося сора тӧлысь 16-ӧд лун(1986-07-16) (59 арӧс)
Куланін:	Сыктывкар, Коми Автономнӧй Сӧветскӧй Социалистическӧй Республика, РСФСР[d], Сӧветскӧй Социалистическӧй Республикаяслӧн Союз
Канму:	Сӧветскӧй Социалистическӧй Республикаяслӧн Союз
Мыйся уджыс:	театральный актёр, театральный режиссёр, драматург

Попов Эраст Алексеевич (1926—1986) — коми драматург, режиссёр, актёр.

Олан туй

Эраст Попов чужис Коми (Зыряна) асвеськӧдлан обласьтысь Емдін уездса Слӧбӧдаын (ӧні — Удора районса Слӧбӧда сиктын 1926 вося кӧч тӧлысь 3-ӧд лунӧ.

1947 воын помаліс Сыктывкарын Коми Республикаса Драма театрын актёръяслысь студиа (педагог — Н.М. Дьяконов), 1971 воын — ГИТИС-лысь театроведческӧй факультет.

1947 восянь — Коми Драма театрын ворсысь. Ворсіс 100 гӧгӧр роль.

Кор 1958 воын Сыктывкарын воссис Шылада театр, Эраст Попов вуджис сылӧн труппаас. Сэсся лои сэні режиссёрӧн, а 1962—1973 воясӧ — театрса медшӧр режиссёрӧн.

1973—1975 воясӧ вӧлі Коми АССР-са культура министрӧс 1-дза вежысьӧн. 1975 восянь — Республикаса Драма театрын режиссёр (1985 воын медшӧр режиссёрлысь удж вӧчысь).

Куліс Сыктывкарын 1986 вося сора тӧлысь 16-ӧд лунӧ.

Гижан удж

Эраст Попов гижис «Песни к звездам» медводдза коми оперетталысь либретто (шыладыс Яков Перепелицалӧн, 2-ӧд вариант — «Ни пуха, ни пера»); «Гроза над Усть-Куломом» медводдза коми опералысь либретто (Б.П. Семячков да С.И. Ермолинкӧд ӧттшӧтш), «У нас на Севере» пьеса, «Народный артист П.А. Мысов» монография (Сыктывкар, 1981).

Рольяс

• Саня Григорьев («Два капитана» В. Каверин серти)
• Кудряш («Гроза» А. Островскийлӧн)
• Треплев («Чайка» А.П. Чеховлӧн)
• Володя Ульянов («Семья» И.Н. Поповлӧн)
• Князь Ветринский («Лев Гурыч Синичкин» Д. Ленскийлӧн)
• Николай Курочкин («Свадьба с приданым» Н.М. Дьяконовлӧн)

Спектакльяс пуктӧм

Шылада театрын спектакльяс пуктӧм

• «Холопка» Н. Стрельниковлӧн (Г.З. Ваховскийкӧд ӧттшӧтш)
• «Севастопольский вальс» К. Листовлӧн
• «Сильва» И. Кальманлӧн
• «Баядера» И. Кальманлӧн
• «Принцесса цирка» И. Кальманлӧн
• «Травиата» Дж. Вердилӧн
• «Риголетто» Дж. Вердилӧн
• «Лебединый полет» Э. Тормислӧн

Драма театрын спектакльяс пуктӧм

• «Вдовий пароход» И. Грековалӧн
• «Иван и Мадонна» А. Кудрявцевлӧн
• «Красное и коричневое» И. Радоевлӧн
• «Две пригоршни мелочи» П. Мюллерлӧн
• «Вкус меда» Ш. Диленилӧн
• «Свои люди - сочтемся» А. Островскийлӧн
• «Праздник души» П. Шаховлӧн
• «Мыйла олам» П. Шаховлӧн
• «Йӧлӧга» В. Лекановлӧн
• «Йитчы-клеитчы» Г. Горчаковлӧн
• «Родники тундры» Е. Рочевлӧн

Наградаяс

• Коми АССР-са нимӧдана артист (1961)
• Коми АССР-са нимйӧза артист (1969)
• РСФСР-са искусствоясын нимӧдана уджалысь (19.08.1981)
• Коми АССР-са канму премиа босьтысь — И. Радоевлысь «Красное и коричневое» спектакль пуктӧмысь
• Диплом I степени на фестивале венгерской драматургии в СССР-ын венгер драматургиялӧн фестиваль вылын I тшупӧда Диплом да Венгрия культура министерстволӧн Ыджыд казьтылан медаль — П. Мюллерлысь «Две пригоршни мелочи» спектакль пуктӧмысь
• Ставсоюзса фестиваль вылын I тшупӧда Диплом (1972) — Э. Тормислӧн «Лебединый полет» спектакль пуктӧмысь

Мукӧдтор

Эраст Поповлӧн мамыс — Серафима Михайловна (1906—1973), 1938 восянь вӧлі Коми АССР-са Совнарком бердын искусствояс делӧяс серти Управлениеын начальник. Сылӧн веськӧдлігӧн Коми муын вӧлі лӧсьӧдӧма: «Асъя кыа» сьылан да йӧктан ансамбль, медводдза шылада школа, шылада училишо, Коми филармония, Шылада театр да Воркутаын аканьяслӧн театр.

Ӧшмӧсъяс

• Попов Эраст Алексеевич, народный артист Коми АССР (рочӧн)
• «Кино-Театр.ru» сайтын Попов Эраст Алексеевичлӧн олантуй йыылсь (рочӧн)