Петыр лун

Петыр лун - православнöй вичкоса гаж, пасйöны сора 12 лунö.

Петыр лун – сура празьник Кулӧмдiн районса Кулӧмдiнын да Скӧрӧдумын, Емдiн районса Римьяын, Койгорт районса Гриваын, да Луздор районса Читаёв сикт улö пырысь Екшорын, и с.в.

Петыр лун вöлi ыджыд праздникöн. Кыдзи и мукöд ыджыд вежа лунъясö, та лунö эз тшöктыны уджавны, Енмыс пö вермас мыждыны.

Петыр лун шуöны гожӧм шöрöн: кодкö кö керкасьыд öдзöстö оз тупкы, сiйöс öлöдöны «Абу öд Петыр лун!»

Турун пуктöм

Та лунö эновтчылöны турун пуктöмысь. Уджалöны пажынöдз, а сэсся воöны гортас ылысса видзьясысь пывсьыны да петырлунасьны. Öтилаын – пажынöдз позьö сöмын куртны водзынсö ытшкöм турун, но эз ытшкыны; мöдлаын – пажун бöрын мöдöдчöны нин видзьяс вылö страдуйтны.

Чери кыйöм

Чери кыйысьяс пасйöны Петыр лунö ассьыныс празьник. Шыасьöны Петыр-Павел дорö, корöны чери: «Петыр-Павел, чери сет!» Кыйöм чериысь пуöны юква да корöны тöдсаяссö видлыны сiйöс.

Кодрасьöм

Бöръя кадö Петыр лунö гуяс вылын кодралöны Троича бöрын кувсьöм йöзöс. Блин, чипан кольк кындзи лöсьöдöны выль лук турунысь сёянтор.

Эскöмъяс

Петыр лунö вичкоын лук турун вежöдöм бöрын позьö сiйöс чегъявны да сёйны.

Мукöдлаын оз тшöктыны Петыр лунöдз вотны оз тусь.

Примета:

• Петыр лунö кö оз зэр, оз зэр Прокопейöдз.

Шусьöг:

• Томлуныд абу Петыр лун, мöдысь оз ло.

Öшмöс

• Коми календар. 2009 во / Лöсьöдiс Öльöш Рассыхаев. Сыктывкар, 2008.