Попов Алексей Вячеславович

Попов Алексей Вячеславович (1950) — коми гижысь, прозаик, драматург, Россияса Журналист да Гижысь котыръясӧ пырысь, Россияса культураын да Коми Республикаын нимӧдана уджалысь, Коми Республикаса нимйӧза гижысь (2014).

Олан туй

• 1950, сора тӧлысь 25 лун — чужис Коми АССР-ын (öнi — Республика Коми) Кӧрткерӧс районса Ыджыдвидз сиктын.
• Шойнатыса шӧр школа помалӧм бӧрын уджаліс «Вишерский» совхозын. Служитіс Советскӧй армияын.
• 1980 — помаліс Сыктывкарса канму университетысь история факультет уджысь орӧдчытӧг. Водзӧсӧ уджаліс журналистикаын.
• уна во чӧж веськӧдлӧ челядьлы лӧсьӧдӧм «Би кинь» журналын.

Гижан удж

Ӧльӧш Поповлысь медводдза висьтсӧ вӧлі йӧзӧдӧма 1971 воын «Войвыв кодзув» журналса нёльӧд номерын. Гижӧдъяссӧ йӧзӧдӧма республикаса уна журналын да ӧтувъя чукӧръясын. 1991 воын сылӧн петіс медводдза «Олӧм олысьяс» небӧг, кытчӧ пыртӧма висьтъяс да повесьтъяс.

1990-ӧд воясӧ гижысь шыӧдчис драматургияӧ. Сылӧн «Мыйсяма йӧз», «Ойя да ойя», «Сур лагун», «Йиркап», «Гӧтрась, пиӧ, гӧтрась» «Чудь мыльк» да мукӧд пьесаяс серти спектакльяс мунӧны В.А. Савин нима драма театрын, Коми республикаса вужвойтырлӧн шылада-драма театрын да Россияса мукӧд театрын. Став драмаа гижӧдъяссӧ йӧзӧдӧма "Мывкыд парма" небӧгӧ (2011), кытчӧ пыртӧма 23 пьеса, на лыдын нёльыс — челядьлы спектакльяс вылӧ.

Художествоа гижӧдъяссӧ вуджӧдӧма роч, мордва, удмурт, мари, перым коми, башкир, калмык, тотара, чуваш, хакас да мукӧд кывъяс вылӧ.

Алексей Попов ачыс сідзжӧ вуджӧдчӧ: комиӧдӧ роч да фин-йӧгра гижысьясӧс.

Гусянимъяс: Висер Ӧль, Камай Олеш.

2014 воӧ Коми Республикаса Юралысь сетіс сылы культура юкӧнын ыджыд уджысь Коми Республикаса нимйӧза гижысь почёт ним.

Небӧгъяс

Комиӧн

• Олӧм олысьяс: повестьяс да висьтъяс / Ред. А.В. Тентюков; серпасалiс В.П. Пластинин. — Сыктывкар: Коми кн. изд-во, 1991. — 192 л.б.
• Мыйсяма йӧз: повестьяс, висьтъяс, пьесаяс. — Сыктывкар: Коми кн. изд-во, 1994. — 272 л.б.
• Чудь мыльк: повесьтъяс, висьтъяс / Серпасалiс А.В. Мошев. — Сыктывкар: Коми небöг лэдзанiн, 2001. — 28 л.б.
• Туналӧм ордым: пьеса чукӧр. – Сыктывкар: Полиграф-Сервис, 2002. — 143 л.б.
• Шань Олыся: повесьт, висьтъяс / Серпасалiс В.А. Моторин. — Сыктывкар: Коми небöг лэдзанiн, 2005. — 240 л.б.
• Грезд: повесьтъяс да висьтъяс / Ред. Л.Т. Попова; серпасалiс Н.Н. Коносова. — Сыктывкар: Анбур, 2008. — 424 л.б.
• Мывкыд Парма: Пьесаяс / Ред. А.В. Ульянов; серпасалiс Н.Н. Коносова. — Сыктывкар: "Коми му" газет редакция" КР АУ, 2011. — 552 л.б.

Роч кыв вылӧ вуджӧдӧмӧн

• Когда-нибудь встретимся...: пьесы / Пер. с коми яз. Л.Т. Чупровой. — Кӧрткерӧс, 1998. — 99 с.
• Заколдованная тропа: драма в двух действиях / [авториз. пер. с коми яз. Вл. Дьяченко], — [б. м.], 1995. — 56 л.
• Сур лагун: сьыланкывъяса да йӧктӧмъяса кык юкӧна теш. — Сыктывкар, 1995. — 33 л.б.

Вуджӧдӧмъяс

• Жеребцов И.Л., Столповский П.М. Коми му йылысь быдмысь войтырлы висьтъяс / Вуджӧдіс А.В. Попов; Серпасалiс Г.Н. Шарипков. — Сыктывкар: Анбур, 2009. — 320 л.б.

Наградаяс да премиаяс

• Россияса Журналист котырӧ пырысь (1976)
• Россияса Гижысь котырӧ пырысь (1994)
• Коми Республикаса канму премиа босьтысь (2000)
• Коми Республикаса нимӧдана уджалысь (2004)
• В.С. Розов нима «За вклад в Отечественную культуру» медаль (2005)
• Коми Республикаса Веськӧдланінлысь премиа босьтысь (2008)
• Россияса культураын нимӧдана уджалысь (2012)
• Коми Республикаса нимйӧза гижысь (2014)

Ӧшмӧсъяс

• Календарь знаменательных и памятных дат Республики Коми на 2010 год. — Сыктывкар, 2009.
• Писатели земли Коми / Ред: Попов А.В., Ульянов А.В. — Сыктывкар: Коми книжное изд-во, 2006. — 30 л.
• Коми Республикаса Национальнӧй библиотека
• Майатул. Финн-йöгра театр
• БНКоми сайт