Лебедев Михаил Николаевич

Лебедев Михаил Николаевич (комиӧн Микӧл Микайлӧ, 1877—1951) — коми гижысь, поэт.

Олан туй

М.Н. Лебедев чужис Вӧлӧгда губерниялӧн Усть–Сысольск уездса Межадор сиктын (ӧні Коми Республикаса Сыктыв район) 1877 вося йирым тӧлысь 22-ӧд лунӧ. Велӧдчис Усть–Сысольскса уезднӧй училищеын, уджаліс Кӧрткерӧсын да Покчаын писарлы отсасьысьӧн. Сӧвет власьт пуксьӧм бӧрын вӧлі секретарӧн Кӧрткерӧсса гӧльяслӧн комитетын да судын. Унджык кадсӧ оліс Кӧрткерӧсын.

Куліс 1951 вося рака тӧлысь 5-ӧд лунӧ. Дзебӧма Кӧрткерӧсын.

Гижан удж

Михаил Лебедев — выль коми литератураын подув пуктысьяс пиысь ӧти. Гижны босьтчис дас куим арӧсӧн. Тӧдса кыдз поэт, прозаик да драматург. Медводдза повесьтъяссӧ («За богом молитва, за царем служба не пропадут», «Последние дни Перми Великой», «Таня Осинина», «Среди медведей») гижліс роч кыв вылын. 1917–ӧд вося Октябр революцияӧдз на кутіс лӧсьӧдавны кывбуръяс комиӧн. Бура тӧдіc коми йӧзкостса висьтъяс. Та подув вылын коми йӧзлӧн важ олӧм йылысь лӧсьӧдiс «Кӧрт Айка» да «Яг морт» поэма–мойдъяс . Басняясас серавліс юысьясӧс да дышъясӧс. М. Лебедев гижліс и челядьлы.

Лӧсьӧдіc коми литератураын выль жанр — оперетка. Гижысьлысь «Мича ныв», «Тун» да «Настук» опереткаяссö пуктывлicны сцена вылын.

1939–ӧд воын литератураын ыджыд уджысь М. Н. Лебедевлы вӧлі сетӧма «Почёт Пас» орден.

Небӧгъяс

• Ньывпулӧн шувгӧм : мойданкывъяс. Сыктывдінкар, 1929. *
• Настук : сьылӧмӧн ворсантор ӧнія олӧмысь. Сыктывкар, 1929. *
• Бӧрйӧм гижӧдъяс. Сыктывкар, 1934. *
• Бӧрйӧм гижӧдъяс. Сыктывкар, 1939.
• Стихъяс : челядьлы. Сыктывкар, 1940.
• Мед дзирдалас шонді : стихотворениеяс да басняяс. Сыктывкар, 1949.
• Бӧрйӧм гижӧдъяс. Сыктывкар, 1959.

Наградаяс

• «Почёт Пас» орден (1939)

Ӧшмӧсъяс

• Вежев А.А. Михаил Николаевич Лебедев. Памятка читателю, — Сыктывкар, 1956.
• Коми советские писатели. — Сыктывкар, 1968
• БСЭ
• Михаил Лебедев