Ермолин Степан Иванович: версиякостса торъялӧм

Босьтӧма Wikipediaысь
Пытшкӧссӧ чышкӧма Пытшкӧссӧ содтӧма
Вежӧмсӧ гӧгӧрвоӧдӧмыс абу
Legobot (сёрнитанін | чӧжӧс)
м Bot: Migrating 1 interwiki links, now provided by Wikidata on d:q6482552 (translate me)
Визь 72: Визь 72:
[[Категория:Коми драматургъяс]]
[[Категория:Коми драматургъяс]]
[[Категория:Час сикт овмӧдчӧмин]]
[[Категория:Час сикт овмӧдчӧмин]]

[[koi:Ермолин Степан Иванович]]

19:12, 2 косму тӧлысь 2013-ся версия

Файл:Ермолин С.И..jpg
Коми гижысь, драматург да ворсысь С.И. Ермолин

Ермолин Степан Иванович (19141961) — коми гижысь, драматург да ворсысь.

Олан туй

  • 1914, косму тӧлысь 24 лун — Чужис Вӧлӧгда губерняысь Усть-Сысольск уездса Час сиктын. Иван Иванович батьыс да Мария Львовна мамыс Степан кындзи быдтісны нӧшта куим пиӧс да куим нылӧс.
  • Подув школа помаліс кык воӧн — дзик пыр муніс мӧд классӧ, а сэсся, коймӧд класс вомӧн чеччыштӧмӧн, муніс нёльӧдӧ. Кресьтяна том войтырлӧн школа (ШКМ) помалӧм бӧрын 1931 вося рака тӧлысьӧ муніс Сыктывкарӧ.
  • 1931 — Театр бердын актёръяслысь дженьыд курсъяс бура помалӧм бӧрын медводдзаысь петіс сцена вылӧ ворсны.
  • 1934, кӧч тӧлысь — Пырис велӧдчыны Ленинградса театральнӧй училишӧлӧн коймӧд курсӧ.
  • 1936 — Велӧдчӧм помалӧм бӧрын лои Коми республикаса Драма театрын ворсысьӧн.
  • 1961, ода-кора тӧлысь 20 лун — Кувсис Сыктывкарын, А. Арбузовлӧн «Потерянный сын» психологическӧй драма серти спектакльлӧн премьера дырйи.

Гижан удж

Степан Ермолин босьтчис гижан уджӧ Ленинградысь воӧм бӧрын. 1938 восянь Николай Дьяконовкӧд ӧтвылысь гижисны квайт пьеса: «Джуджыд запань» (1938), «Кырнышъяс» (1939), «Мужество» (1940), «Устькуломское восстание» (1941), «Домна Каликова» (1943) да «В дни войны». Вӧлі «Гроза над Усть-Куломом» медводдза коми операын либреттистъяс лыдын. С. Ермолинлӧн «Очередная операция» да «Не вернулся на базу» ӧти акта пьесаяс пырисны «Репертуарный сборник»ӧ 1943 воын. Наысь кындзи С.И. Ермолин гижис «Молодые патриоты» пьеса (1947). Став пьесасӧ вӧлі пуктӧма Коми Республикаса Драма театрын.

Ворсан удж

Кор Октябрса революция бӧрын поп керкаын воссис клуб, Степан бать-мамсьыс гусьӧн пырис пионеръясӧ. Челядь дырйиыс бура ворсіс балалайкаӧн. Школаын велӧдчигӧн ворсіс сценкаясын, висьтавліс кывбуръяс, бура серпасаліс шмонитан серпасъяс да ёрта шаржъяс.

Коркӧ Час сиктӧ локтіс Коми передвижнӧй театрлӧҥ бригада. Ворсӧм бӧрын артистъяс нуӧдісны том йӧз пӧвстын агитационнӧй удж, корисны найӧс театрса курсъяс вылӧ. Артистӧн лоны вӧлі сэтшӧм ыджыд, мый 16 арӧса Степан школа помавтӧг «пышйис» Сыктывкарӧ [1] 1931 вося рака тӧлысьӧ Степан Ермолин пырис республикаса Театр бердын актёръяслысь дженьыд курсъяс вылӧ. Сійӧс бура помалӧм бӧрын Степанӧс босьтісны ворсысьяс лыдӧ (тӧлысьнас 84 шайта оклад вылӧ) да медводдзаысь петіс сцена вылӧ ворсны. 1936 воын Ленинградса театральнӧй училишӧ помалӧм бӧрын лои Коми республикаса Драма театрын ворсысьӧн.

Регыдъя кадӧ ачыс веськӧдліс гастрольнӧй бригадаӧн. КИППТ-са артистъяс ветлӧдлісны районъясті. Спектакльяс кындзи петкӧдлісны концертъяс: лыддисны кывбуръяс, сьылісны сьыланъяс, висьтавлісны частушкаяс, лэдзисны стенгазетъяс. Унджык кывбурлӧн да частушкалӧн авторнас да стенгазетса редакторӧн вӧлі С. Ермолин.

1932 воын чукӧртісны том йӧзӧс Сценическӧй искусствояслӧн Ленинградса техникум бердын коми национальнӧй студиаӧ. С. Ермолин сэки кольччис Драма театрлӧн труппаӧ, медым ворсны. Ленинградӧ муніс кык во мысти, кор вӧлі содтӧд набор, да сійӧс босьтісны коймӧд курсӧ. 1936 воӧм бӧрын студиаса велӧдчысьяс пуктісны подув Коми республикаса Драма театрлы.

1948-ӧд восянь вӧлі Ставсоюзса театральнӧй котырлӧн Коми юкӧнын медводдза веськӧдлысьӧн.

Рольяс

Профессиональнӧй театрын кызь воӧн ворсіс сёысь унджык роль, на пиысь — ӧкмысдассӧ Коми Республикаса Драма театрын [2]. Мӧд арталӧм серти, Степан Ермолин 30 воӧн ворсіс 150-ысь унджык роль [3]. Сылӧн рольяс:

  • Пирогов — «Свадьба с приданым» (Дьяконов)
  • Егор — «Клин клином» (Леканов)
  • Серафим — «Где шумит лес» (Трошев)
  • Шипича — «Шипича» (Фролов)
  • Прокопий — «Изваильская крепость» (Потолицын)
  • Мережков — «Льӧм пу дорын аддзысьлӧмъяс» (Ларев)
  • Мотыльков — «Слава» (В. Гусев)
  • Шадрин — «Человек с ружьём» (Н. Погодин)
  • Коломийцев — «Последние» (М. Горький)
  • Паратов — «Бесприданница» (А. Островский)
  • Макар Дубрава — «Макар Дубрава» (А. Корнейчук)
  • Миллер — «Коварство и любовь» (Ф. Шиллер)
  • Панталоне — «Слуга двух господ» (К. Гольдони)
  • Осип — «Ревизор» (Н. Гоголь)
  • Дикой — «Гроза» (А. Островский)
  • Таланов — «Нашествие» (Л. Леонов)
  • Сафонов — «Русские люди» (К. Симонов)
  • Остап — «В степях Украины» (А. Корнейчук)
  • Томилин — «Сын века» (И. Куприянов)

Паметь

Ворсысь йылысь бур паметь кольӧм могысь 2007 воын вӧлі лӧсьӧдӧма театральнӧй искусство юкӧнын С.И. Ермолин нима «Зарни кодзув» общественнӧй премиа. Премиа сетсьӧ Коми Республикаын театральнӧй искусство сӧвмӧдӧмӧ пай пуктӧмысь да драмаа гижӧдъяс паськӧдӧмысь.

Наградаяс

Ӧшмӧсъяс

Ыстӧдъяс

  1. В.Савин нима Драма театр сайтын Степан Ермолин.
  2. Кино-Театр.ru сайтын С.И. Ермолинлӧн олан туй
  3. В.Савин нима Драма театр сайтын Степан Ермолин