Мишарин Алексей Васильевич

Мишарин Алексей Васильевич (1949) — коми гижысь.

Олан туй

• 1949, косму тӧлысь 5 лун — чужис Кӧрткерӧс районса Шойнаты сиктын. Ӧкмысӧд классӧдз велӧдчис Шойнатыса шӧр школаын.
• 1965—1969 — Велӧдчис Сыктывкарса видз-му техникумын.
• 1969 — Пырис уджавны механикӧн «Вишера» совхозӧ. Служитіс армияын. Служба бӧрын совхозын вӧлі бригадир-механикӧн, Шӧр юкӧнса веськӧдлысьӧн, инженерӧн.
• Сизим во Висерса шӧр школаын нуӧдіс удж урокъяс.
• 1980 — Школаын уджалігӧн помаліс Ленинградса лесотехническӧй академия.
• 1983 — Дас воысь дырджык веськӧдліс «СССР-лы 50 во нима» совхозӧн, директораліс «Нившера» совхозын да «Зеленеч» канмуса унитарнӧй овмӧсын.
• 2002 — Пенсия вылӧ петтӧдз уджаліс Сыктывдінса видз-му овмӧс да сёян управлениеын.

Гижан удж

Алексей Мишарин гижны босьтчис квайтӧд классын. Кыдзи ачыс шуӧ: «Гижи чужан коми кыв вылын аслым да рӧдвужлы. Ёнджыкасӧ серамбанаӧс, медым гажӧдыштны матыссаясӧс» . Медводдза кывбурыс петіс «Войвыв кодзув» журналын 1967 воын. Сідзжӧ йӧзӧдчыліс районса да республикаса газетъясын, «Би кинь» да «Чушканзі» журналъясын.

А.В. Мишарин гижӧ челядьлы висьтъяс да кывбуръяс. 2013 воын йӧзӧдіс «Чепелышъяс» повесьт. петавліс некымын небӧг: «Зеп тыр коль» (1984), «Шоныд зэр» (1987) да «Ид тусь» (2012).

Небӧгъяс

• Зеп тыр коль. — 1984
• Шоныд зэр. — 1987
• Ид тусь: Кывбуръяс, висьтъяс / Ред. А.В. Попов; Серпасаліс И.А. Авилова. — Сыктывкар: «Коми му» газет редакция КР-са АУ, 2012. — 64 л.б.

Наградаяс

• Уджвывса ветеран.
• Коми Республикаса нимӧдана уджалысь.
• Почёт ордена кавалер.

Ӧшмӧсъяс

• «Войвыв кодзув», 2013. — 2 №. — Л.б. 6.