Налимов Семён Иванович

Босьтӧма Wikipediaысь
Налимов Семён Иванович
Портрет
Чужан лун:

1857-ӧд вося урасьӧм тӧлысь 1-ӧд лун(1857-02-01)

Чужанін:
Кулан кад:

1916-ӧд вося моз тӧлысь 22-ӧд лун(1916-08-22) (59 арӧс)

Куланін:
Канму:
  •  Россияса империя[d]
Мыйся уджыс:

создатель музыкальных инструментов

Налимов Семён Иванович (18571916) — шылада инструментъяс (балалайка, домра, гусли) вӧчалысь. Войтырсикас серти коми.

Олан туй[вежны | Вежны кодировкаын]

Семён Налимов чужӧма Вӧлӧгда губерняысь Усть-Сысольск уездса Выльгорт вӧлӧсьтлӧн Сретенньӧ обществоын (ӧні Коми Республикаса Выльгорт сикт) 1857 вося урасьӧм тӧлысь 13-ӧд лунӧ (важ стиль серти урасьӧм тӧлысь 1-ӧд лунӧ).

Томдырсяньыс плотникалӧма да столяралӧма. 1878 восянь 1884 воӧдз вӧлӧма военнӧй служба вылын, запасӧ мӧдӧдӧмаӧсь старшӧй унтер-офицер званньӧын. 1885 воын мунӧма чужанінсьыс нажӧтка корсьны.

1895-сянь 1916 воӧдз служитӧма В. В. Андреевлӧн имениеын Твер губерняын Вышневолок уездса Марьино сиктын, вӧчалӧма сылӧн оркестрыслы шылада инструментъяс.

Кулӧма Петроградын 1916 вося моз тӧлысь 22-ӧд лунӧ. Санкт-Петербургса Шӧр канму история архив серти, гуалӧма Ыджыд Охтаса шойнаын.

Шылада инструментъяс вӧчалӧм[вежны | Вежны кодировкаын]

Вяткаса балалайка подув вылын лӧсьӧдӧма медводдзаӧн реконструированнӧй ичӧт домра – сылӧн кузолыс вӧлӧма сизим клёпка вылын. Сы бӧрын вӧлі вӧчӧма альт да бас домраяс, а сэсся — тенор да контрабас домраяс.

Кызь во чӧжӧн, 1895-сянь 1915 воӧдз мастер вӧчӧма 300 гӧгӧр инструмент. Сылӧн инструментъясӧн дыр кад чӧж ворсӧмаӧсь йӧзкостса инструментъяслӧн канмуса роч оркестр.

Паметь[вежны | Вежны кодировкаын]

  • Казьтылана пӧв культура керкалӧн стенмын (Сыктывдін районса Выльгорт сикт)
  • С.А. Налимов нима Выльгортса шылада школа
  • Ыргӧн памятник Выльгорт сиктын (2005) (скульпторыс — Роман Бендерский).

Ӧшмӧсъяс[вежны | Вежны кодировкаын]

Ыстӧдъяс[вежны | Вежны кодировкаын]