Мишарин Алексей Васильевич

Босьтӧма Wikipediaысь
Мишарин Алексей Васильевич
Чужан лун:

1949-ӧд вося косму тӧлысь 5-ӧд лун(1949-04-05)[1] (74 арӧс)

Чужанін:
Канму:
Мыйся уджыс:

гижысь, инженер, менеджер, школаын велӧдысь, директор

Шаблон:Серпасыс абу

Мишарин Алексей Васильевич (1949) — коми гижысь.

Олан туй[вежны | Вежны кодировкаын]

Алексей Мишарин чужӧма 1949-ӧд вося косму тӧлысь 5-ӧд лунӧ Кӧрткерӧс районса Шойнаты сиктын. Шойнатыса шӧр школаын помалӧма 8 класс. 19651969 воясӧ велӧдчӧма Сыктывкарса видз-му техникумын. 1969-ӧд восянь уджалӧма механикӧн «Вишера» совхозын. Служитӧма армияын. Служба бӧрын совхозын вӧлі бригадир-механикӧн, Шӧр юкӧнса веськӧдлысьӧн, инженерӧн.

Сизим во Висерса шӧр школаын нуӧдӧма удж урокъяс. Школаын уджалігӧн 1980 воын помалӧма Ленинградса лесотехническӧй академия. 1983 восянь дас воысь дырджык веськӧдлӧма «СССР-лы 50 во нима» совхозӧн, директоралӧма «Нившера» совхозын да «Зеленеч» канмуса унитарнӧй овмӧсын.

20022011 воясӧ, пенсия вылӧ петтӧдз, уджалӧма Коми Республикаса видз-му овмӧс да сёян-юан министерстволӧн Сыктывдінса видз-му овмӧс да сёян управлениеын.[2]

Гижан удж[вежны | Вежны кодировкаын]

Алексей Мишарин гижны босьтчӧма квайтӧд классын. Кыдзи ачыс шуӧ: «Гижи чужан коми кыв вылын аслым да рӧдвужлы. Ёнджыкасӧ серамбанаӧс, медым гажӧдыштны матыссаясӧс» [3]. Медводдза кывбурыс петӧма «Войвыв кодзув» журналын 1967 воын. Сідзжӧ йӧзӧдчылӧма районса да республикаса газетъясын, «Би кинь» да «Чушканзі» журналъясын.

А.В. Мишарин гижӧ челядьлы висьтъяс да кывбуръяс. 2013 воын йӧзӧдӧма «Чепелышъяс» повесьт. Петавлӧма некымын небӧг: «Зеп тыр коль» (1984), «Шоныд зэр» (1986), «Ид тусь» (2012) да «Кор лэбзьӧ коляоз» (2016).

«Кор лэбзьӧ коляоз» небӧгӧ пыртӧма куим повесьт «Кор коляоз лэбзьӧ», «Вильыд ордым» да «Шудсӧ быдӧн ас ногыс кылӧ» — аслыспӧлӧс художественнӧй триптих, кӧні шӧр геройясӧн лоӧны кык сиктса зонка — Данил Марков да Вася Моторин. Вӧр-ва дорӧ муслун, быдтор тӧдны кӧсйӧм вайӧді найӧс Шудӧгӧ — вӧвлӧм спецпоселениеӧ. Киссьӧ баракысь найӧ аддзӧны «Робинзон Крузо» важ небӧг да сы пытшкысь мӧдӧдлытӧм письмӧ, мый гижлӧма 1944 воын ичӧтик детинка Даниел Шмидт аслас Ваня ёртыслы. Зонкаяс кутасны туясьны — корсьны Даниеллысь туйпомсӧ.

2013 воын Алексей Мишарин лоӧма вермысьӧн «Эзысь борд» республикаса литературнӧй конкурсын, мый лӧсьӧдіс Коми Республикаса каналан сӧвет, «Проза» нимпасын.[4]

2014 восянь пырӧ Россияса гижысь котырӧ.[5]

Небӧгъяс[вежны | Вежны кодировкаын]

Наградаяс[вежны | Вежны кодировкаын]

Ӧшмӧсъяс[вежны | Вежны кодировкаын]

Ыстӧдъяс[вежны | Вежны кодировкаын]

  1. http://soyuz-pisateley.komi-nao.ru/persona/misharin-aleksei-vasilevich
  2. Коми гижысь котырын А.В. Мишарин йылысь
  3. «Войвыв кодзув», 2013. — 2 №. — Л.б. 6.
  4. Победителями «Эзысь борд» стали пять коми литераторов // «Финугор» сайт (24.12.2013, рочӧн)
  5. «Комиинформ» сайт (2015.01.23; рочӧн)