Конюхов Дмитрий Васильевич

Босьтӧма Wikipediaысь
Конюхов Дмитрий Васильевич
Дмитрий Васильевич Конюхов
Чужан лун:

1911-ӧд вося кӧч тӧлысь 26-ӧд лун(1911-09-26)

Чужанін:
Кулан кад:

1982-ӧд вося рака тӧлысь 4-ӧд лун(1982-03-04) (70 арӧс)

Канму:
Мыйся уджыс:

поэт, вуджӧдчысь

Ошканпасъяс да премияяс:
орден Отечественной войны II степени медаль «За оборону Ленинграда»

Шаблон:Серпасыс абу

Конюхов Дмитрий Васильевич (Вась Мить, Би кинь; 19111982) — коми поэт, вуджӧдчысь.

Олан туй[вежны | Вежны кодировкаын]

Дмитрий Конюхов чужис Вӧлӧгда губерняысь Усть-Сысольск уездса Паджгаын (ӧні — Сыктывдін районса Паджга сикт) 1911 вося кӧч тӧлысь 26-ӧд лунӧ.

Помаліс Паджгаса сизим вося школа. Вузӧ пырны дасьтысян курсъяс помалӧм бӧрын пырис Коми канмуса педагогика институтӧ. 1933 восянь история-филология факультет помалӧм бӧрын уджаліс коми да роч кыв да литература велӧдысьӧн Пальын, а сэсся Паджгаын. 1938 воын лои Коми небӧг лэдзанінын художествоа литературалӧн редакторӧн.

Ветліс Айму вӧсна Ыджыд тыш вылӧ, тышкасис фашистъяскӧд Ленинградса фронтын, кӧні веськӧдліс пулемётчикъяслӧн взводӧн. Сьӧкыда ранитчыліс. Фронтсянь воӧм бӧрын Д.В. Конюхов дыр уджаліс «Войвыв кодзув» журналын, Коми небӧг лэдзанінын.

Куліс 1982 вося рака тӧлысь 4-ӧд лунӧ.

Гижан удж[вежны | Вежны кодировкаын]

1953 вон петіс «Зумыд воськолӧн» кывбур чукӧр. Критикъяс тӧдчӧдісны Дмитрий Конюхов поэзиялысь психологизм, образъяслысь ловъялунсӧ да стӧчлунсӧ. 1949 воын сійӧс босьтісны СССР-са гижысь котырӧ.

Петкӧдчис кыдзи литературнӧй критик: гижис Иван Куратов, Михаил Лебедев, Илля Вась, Иван Вавилин творчество йылысь.

Конюхов Д.В. тӧдса сідзжӧ кыдзи и вуджӧдчысь: комиӧдіс Э.Л. Войничлысь, А.С. Пушкинлысь, В.В. Маяковскийлысь, М. Шолоховлысь, А.А. Фадеевлысь, Г. Николаевалысь, В. Кочетовлысь да мукӧдлысь гижӧдсӧ.

Небӧг[вежны | Вежны кодировкаын]

Ӧшмӧсъяс[вежны | Вежны кодировкаын]

Ыстӧдъяс[вежны | Вежны кодировкаын]