Изъюрова Раиса Дмитриевна

Босьтӧма Wikipediaысь
Изъюрова Раиса Дмитриевна
Чужан лун:

30 лӧддза-номъя (13 сора) 1914

Чужанін:
Кулан кад:

2013-ӧд вося моз тӧлысь 20-ӧд лун(2013-08-20) (99 арӧс)

Куланін:
Канму:
Ошканпасъяс да премияяс:
Ленин орден Почёт орден Социалистическӧй Уджвывса Герой

Шаблон:Серпасыс абу

Изъюрова Раиса Дмитриевна (19142013) — коми строитель-каменщик, депутат, Социалистическӧй Уджвывса герой. Коми АССР-ын медводдза нывбаба, кодлы сетӧма тайӧ ыджыд нимыс.

Олан туй[вежны | Вежны кодировкаын]

Раиса Изъюрова чужӧма 1914-ӧд вося лӧддза-номъя тӧлысь 30-ӧд лунӧ Вӧлӧгда губерняысь Усть-Сысольск уездса Позтыкерӧсын (ӧні — Кӧрткерӧс районса Позтыкерӧс сикт).

Чужан сиктас 2 класс помалӧм бӧрын (1925) уджалӧма колхозын, вӧр пӧрӧдӧма да кылӧдӧма. 1931-ӧд восянь колхозсянь путёвка серти мунӧма Сыктывкар кыпӧдны, 1934-ӧд восянь уджалӧма каменщицаӧн. Кыпӧдӧма Сыктывкарын татшӧм зданиеяс, кыдзи Карл Маркс уличавывса кирпич керкаяс, Пединститут, Драма театр, Печать керка, Вужвойтырлысь небӧгаин. Айму вӧсна Ыджыд тыш кадӧ дасьтӧма 50 сайӧ каменщикӧс. Фронт вывсянь верӧсыс абу воӧма.

Война бӧрын сылы сетӧмаӧсь медвылыс разряд, бӧрйӧмаӧсь Сыктывкарса сӧветӧ депутатӧн. 1945-ӧд воын ыджыд вермӧмъясысь сійӧс наградитісны «Почёт пас» орденӧн. 1958-ӧд воын сійӧ — «Комистрой» трестса 1-дза номера строительнӧй управленньӧын каменщица, сылы сетӧмаӧсь Социалистическӧй Уджвывса Герой ним да Ленин орден.

Некымынысь вӧлӧма Сыктывкарса Сӧветын (1939-ӧд восянь), Коми АССР-са (1955-ӧд восянь) да РСФСР-са Вылыс Сӧветын депутатӧн.

Кулӧма 2013-ӧд вося моз тӧлысь 20-ӧд лунӧ Сыктывкарын.

Ошканпасъяс[вежны | Вежны кодировкаын]

Мукӧдтор[вежны | Вежны кодировкаын]

  • Р.Д. Изъюровалысь портретсӧ серпасалӧма Бендель Петр Эмильевич (1953 во)

Ӧшмӧсъяс[вежны | Вежны кодировкаын]

  • Максимов С. Изъюрова Раиса Дмитриевна // Республика Коми: Энциклопедия: в 3-х т. — Сыктывкар, 1999. — Т. 2. — С. 21.
  • Изъюров И. В. Вся её жизнь подвиг // Книга Памяти Республики Коми. Т. 10. С. 702. [1]
  • Твои люди, земля Корткеросская: справочник. — Корткерос: ООО «Типография «Полиграф-Сервис», 2006. — С. 199. Кӧрткерӧс районса Шӧр небӧгаин (рочӧн)

Ыстӧдъяс[вежны | Вежны кодировкаын]